Анна Хабарова-Айталыына Куо: «Сэрии уораана»

Куонкуруспут  21-с кыттааччыта Намтан  Анна Хабарова-Айталыына Куо:

СЭРИИ УОРААНА

Алдьархай ааҥнаата,

Иэдээн иэнигийдэ,

Сири дойдуну

Хара буруонан тумнарда.

Көрөллөр-истэллэр,

Эмиэ сэрии

Аан дойдуну

Атыйахтыы аймаата.

Көтөллөр хотойдор,

Хорсун хоодуоттар

Күн сирин көмүскүү

Сэриини тохтото.

Эрэниҥ эрэттэр,

Турунуҥ,тулуйуҥ

Кыайыахпыт хайаан да

Эйэни түстүөхпүт.

Охтоохтон охтумаҥ,

Саалаахтан самнымаҥ,

Эргиллэн кэлээриҥ

Өстөөҕү өһөрөн!

Эһиэхэ тиийиэхтин,

Биһиги алгыспыт,

Барыбыт тапталбыт

Күүс күдэх эбиэхтин.

Ытаама, күн ийэ

Эргиллиэ оҕобут

Кыайыы көтөллөөх

Күн дьонун көмүскээн.