Таатта улууһун Туора Күөл нэһилиэгэ Манчаары оонньууларын көрсө күргүөмнээх үлэни ыытар. Ол курдук, нэһилиэккэ олорон ааспыт Щукин Егор Кузьмич — Бурҕаат Уус доҕотторун, биир дойдулаахтарын Михаил Иннокентьевич Алексеев — Туһалыыр Мэхээлэ буолан, 55 сыл анараа өттүгэр Туора Күөл (Дьүлэй) нэһилиэгэр улахан ураһаны тутан дьэндэппиттэрэ.
Бу күннэргэ үйэлээх тутууну тупсарыыга Бурҕаат Уус сыдьааннара, аймахтара күргүөмүнэн турунан ураһа эҥээрдэрин эбэн, кырааскалаан, өрөмүөн үлэтин ыыта сылдьаллар. Бу туһунан Туора Күөл нэһилиэгин олохтооҕо, Арассыыйа Дьоруойа Родимир Максимов — Бурхат эбээтэ Анна Ивановна санаатын үллэһиннэ:
-Елена Егоровна Аянитова диэн Бурҕаат Уус кыра кыыһа көҕүлээн, барыбытын түмэн, ураһаны өрөмүөннүүр туһунан тыл көтөхпүтэ. Абаҕам Егор Кузьмич — Бурҕаат Уус уонна Михаил Иннокентьевич Алексеев маастардаан туттарбыт ураһалара буолар. Эргэрдэҕэ дии, ити тутуу оҥоһуллубута 55 сыл буолбут. Онон реставрациялыырга үлэ бара турар. Ис бараана хаалла. Таһын хаптаһыннара түспүттэрин сиэн бырааттар: Кузьма Кузьмин, Уйгулаан Щукин үөһээ тахсан оҥордулар. Аллараатын күтүөттэр, уолаттар абырахтаан оҥордулар. Бурҕаат Уус сиэнэ Николай Федотов маастардаата, Иван Кузьмин элбэх тутууга сылдьыбыт сиэн бырааттара о.д.а бары ылсан оҥордулар. Сиэнэ Саргылаана Ивановна Неустроева, оҕолоро, кэргэнэ бары саба түһэн кырааскалаатылар. Аны ураһабыт ис барааныгар ити ороннорго сөрүө оҥоруохтаахпыт. Көмүлүөк оһоҕун барытын кыттыһан оҥордубут. Бурҕаат аймах түмсүүлээхпитин көрдөрдүбүт. Бу ыытыллыбыт үлэбит Бурҕаат Уус 125 сылыгар аналлаах, ону сэргэ буолаары турар Манчаары оонньууларыгар туһаайыллар. Билигин ыалдьыт бөҕөтө кэлиэҕэ, нэһилиэктэринэн да сылдьыахтара. Дириҥ устуоруйалаах, улуу уустар, олоҥхоһуттар уутуйан олорон ааспыт ытык сирдэригэр тахсан Бурҕаат Уус ураһатын дьэ, көрүөхтэрэ дии саныыбын.
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…
Төрөөбүт тылынан Арассыыйаҕа бастакы эрэгийиэннээҕи мобильнай сыһыарыы үлэҕэ киирдэ. "Айар" кинигэ кыһата эһиэхэ, ааҕааччыларыгар, үөрүлээх…
Өрөспүүбүлүкэтээҕи сүүмэрдэммит хамаандалары успуорка бэлэмнээһин киинэ иһитиннэрбитинэн, Саха сирин тустууга сүүмэрдэммит хамаандата Красноярскай куоракка Миндиашвили …