Хаартыска: Анна Никифорова тиксэриитэ
Бэҕэһээ «Илии сылааһа» волонтердар хамсааһыннарын көҕүлээһининэн «Үлэ-иис күрэҕэ» IV өрөспүүбүлүкэтээҕи күрэхтэһии түмүктэннэ.
Тоҕус улуустан уонна Дьокуускай куораттан ис сүрэхтэриттэн анал байыаннай дьайыыга кытта сылдьар байыастарбытыгар таҥас тигэр иистэнньэҥнэр кытыннылар.
Бу киэҥ хабааннаах үс күннээх тэрээһин туһунан Таатта улууһуттан «Харыстаана» хамаанда чилиэнэ Анна Никифорова санаатын үллэстэр:
— Биһиги хамаандабытыгар учууталлар, биэнсийэлээхтэр, тыйаатыр үлэһиттэрэ кэлэн кытыннылар. Мобилизация саҕаланыаҕыттан дойдубутугар волонтердуубут, эмиэ байыаннай дьайыы кыттыылаахтарыгар таҥастары тигэбит. Флист куурканы, ырбаахыны, футболканы, о.д.а. бэйэбит харчыбытынан маҕаһыынтан миэтирэлээх таҥас ыламмыт тигэбит. Манна «Илии сылааһа» сыах матырыйаал биэрэн тигэбит. Маннык тэрээһин үс күн ыытыллара сылаалаах эбит. Сарсыардаттан киэһэ хойукка диэри сылдьар дьоҥҥо аһынан, кэлэр-барар өттүн көмөлөһүө эбиттэр дии санаатым. Бары Таатта улууһуттан кэллибит. Биһиги саастаах дьоммут. Холобур, усулуобуйа быһыытынан, биир киһи 12 араас таҥаһы тиктэ, ол аата 7 кэмпилиэги. Улууспут дьаһалтата бэнсииммитин эрэ төлөөбүтэ. Пароммутун, манна кэлэр-барар төлөбүрбүтүн бэйэбит уйуннубут. Онон, кэлэр өттүгэр улуус, бырабыыталыстыба өттүттэн көмө баара буоллар, ордук буолуо этэ дии саныыбын. Ол да буоллар, ситиһиилээхтик кытынныбыт.
Кыайыы туһугар бары бииргэ түмсэн, сомоҕолоһон үлэлиибит-хамсыыбыт. Хорсун санаалаах уолаттарбыт дойду чиэһин эрэллээхтик көмүскээн, кыайыы көтөллөөх эргиллиэхтэрэ диэн эрэнэбит!
От ыйа түмүктэнэр бүтэһик күннэрэ тураллар -- бэтинсэттэн атырдьах ыйыгар үктэнэбит. Атырдьах ыйын өбүгэ саҕаттан…
От ыйын 26-27 күннэригэр Кош-Агач оройуонун Горно-Алтайскай куоратыгар Куйактанар сиргэ СӨ норуотун маастара Иван Павлов…
Аллайыаха улууһугар уу кытыытыгар быраҕыллыбыт эргэ илимҥэ дьиэ хараҥаччыта хам ылларан, мүччү-хаччы мэҥэстэн сытар этэ.…
Саха сирин хамаандата дрон күрэҕэр Уһук Илин уокуру күрэхтэһиитигэр уонна чөмпүйэнээтигэр ситиһиилээхтик кыттан, 40 баар…
Суһал иһитиннэриинэн ИДьМ сулууспатын Ленскэй улууһун отделын холуобунай ирдэбилин үлэһиттэрэ 17 саастаах олохтооҕу «Toyota Land…
Кэмпэндээйигэ "Сир уустара" төгүрүк сыл үлэлиир киин оҕолору араас хайысханан сайыннарар. Бу сайын Саха сирин…