Анна Петрова: «Биһигини интэриэһинэй уонна толору ис хоһоонноох сыл күүтэр»

Саха Өрөспүүбүлүкэтин Баһылыга Айсен Николаев Ил Түмэҥҥэ уонна Бырабыыталыстыбаҕа туһаайан эппит Анал этиитин туһунан Уус Алдан улууһун Оройуоннааҕы киин балыыһатын кылаабынай бырааһа Анна Петрова маннык үллэһиннэ:

— 2024 сыл Оҕо саас сылынан биллэрилиннэ. Бу олус үчүгэй, тоҕо диэтэххэ, оҕолор -– биһиги инники кэскилбит! Мин, элбэх оҕолоох ийэ уонна быраас быһыытынан, улахан болҕомто доруобуйаҕа уонна оҕо доруобуйатын тупсарыыга ууруллуоҕун кэрэхсиибин.
Нэһилиэнньэни диспансеризацияҕа сырытыннарыыга, үөрэх тэрилтэлэригэр доруобуйа харыстабылыгар болҕомтону уурууга уонна үлэни күүһүрдүүгэ, биһиги оҕолорбут доруобуйаларын бөҕөргөтүүгэ сөптөөх усулуобуйа оҥоһуллуоҕа. Биһиги, мэдиссиинэ үлэһиттэрэ,  технология өттүнэн сэбилэниини, доруобуйа харыстабылын сыыппараҕа көһөрүүнү уонна үлэ усулуобуйатын тупсарыыны күүтэбит. Биһигини интэриэһинэй уонна толору ис хоһоонноох 2024 сыл күүтэр.