Хаартыска: Анна Ядрихинская тиксэриитэ
Бэҕэһээ, от ыйын 11 күнүгэр, байыаннай таҥаһы тигэр волонтер иистэнньэҥнэр ортолоругар «Үлэ-иис күрэҕэ» түмүктэннэ.
Тоҕус улуустан уонна Дьокуускай куораттан анал иистэнньэҥ үөрэҕэ суох эрээри, бэйэлэрин баҕаларынан, илиилэрин сылааһынан анал байыаннай дьайыыга кытта сылдьар уолаттарга таҥас тигэр далбар хотуттар күрэхтэстилэр. Олус интэриэһинэй, дьүккүөрдээх күрэхтэһиигэ сылдьан астынным, кэлин баҕар бэйэбит биир хамаанда буолан кыттыахпыт диэн «Бастакылар» хамсааһын олохтоох салаатын бэрэссэдээтэлэ, Нам улууһун хамаандатын чилиэнэ Анна Ядрихинская кэпсээтэ:
— Биһиги тоҕус буолан кытынныбыт, хамаандабыт хапытаана Татьяна Омина. Эрдэ хаһан даҕаны маннык күрэххэ кыттыбатах дьоммут. Анал иистэнньэҥ үөрэхтээх киһи суох, ол эрээри сүрэхпит баҕатынан бары иистэнэ сатыыбыт. Бастатан туран, биһиги манна үтүө дьыаланы оҥоробут, иккиһинэн, бэйэ-бэйэбититтэн иис кистэлэҥнэригэр үөрэннибит.
Үс күн тэбинэн туран күнү быһа иистэнэр наһаа сылаалаах эбит. Үлэлии сылдьар уонна кыра оҕолоох дьон буоламмыт, сорохпут күн аайы Намҥа барар-кэлэр, онон арыый ыарырҕаттыбыт. Былырыыҥҥы Нам хамаандата ситиһиилээхтик кыттыбыта, ол эрээри кинилэр быйыл кэлбэтилэр. Оттон биһиги хаһан даҕаны маннык иистэммэтэх дьон ыарырҕаттыбыт, ол да буоллар, кыайыыга дьулуһабыт.
Уопсай дьыала туһугар бары бииргэ санаабытын холбоон, түмсэн күрэхтэһэстибит. Манна кыайыы, уолаттарбыт тустарыгар диэн илиибит сылааһын иҥэрэммит бары биир киһи курдук таҥас тиктибит. Биһиги бары сүбэбитин холбоон үлэлээтибит. Баҕар инникитин бу хамаанданан салгыы иистэниэхпитин да сөп буоллаҕа.
Саха сирин хамаандата дрон күрэҕэр Уһук Илин уокуру күрэхтэһиитигэр уонна чөмпүйэнээтигэр ситиһиилээхтик кыттан, 40 баар…
Суһал иһитиннэриинэн ИДьМ сулууспатын Ленскэй улууһун отделын холуобунай ирдэбилин үлэһиттэрэ 17 саастаах олохтооҕу «Toyota Land…
Кэмпэндээйигэ "Сир уустара" төгүрүк сыл үлэлиир киин оҕолору араас хайысханан сайыннарар. Бу сайын Саха сирин…
Халаантан эмсэҕэлээбит Өймөкөөн улууһугар көмөлөһөргө Үөһээ Бүлүүттэн сэттэ киһилээх мобильнай биригээдэ ыытылынна. Бу туһунан улуус…
Дьокуускай куорат борокуратуурата олохтоох дьахтар туһунан холуобунай дьыалаҕа буруйдуур түмүгүн бигэргэттэ. Кини РФ Холуобунай Кодексатын…
-- Усунуоһу ааҕыы ханнык түгэҥҥэ тохтотулларый? Арктика олохтооҕо. Ыйытыыга Элбэх кыбартыыралаах дьиэлэри хапытаалынай өрөмүөннээһин пуондатын…