Антон Васильев: «Бүгүн биһиэхэ бырааһынньык!»

Бүгүн Дьокуускайга Орджоникидзе болуоссатыгар ДНР, ЛНР, Запорожье, Херсон уобаластарыгар референдум буолбутун өйүүр миитин-кэнсиэр буолла. Онно элбэх киһи мустан, бу дьайыыны өйүүллэрин биллэрдилэр.

Антон Васильев, уопсастыбанньык:

— Бүгүн биһиэхэ улахан бырааһынньык буолла — Арассыыйа састаабыгар ДНР, ЛНР, Запорожскай, Херсонскай уобаластар киирбиттэриттэн мин үөрдүм. 2014 сыллаахха бу уобаластары буомбалаабыттарыгар, куотан кэлбит дьоҥҥо тус бэйэм көмөлөспүппүттэн үөрэбин. Оччолортон манна куотан кэлбит уонунан дьон билигин да Дьокуускайы дьиэ оҥостон олороллор. Кинилэр Саха сирин олохтоохторо буоллулар. Или, эйэни олохтуу сылдьар дьоммутугар махтанабын. Бигэ туруктаах олох, ил, эйэ, үтүө санаа баар буоларыгар баҕарабын!