Антонида Иванова-Кыыдаана: «Атаарыы…»

Куонкуруспут 28-с кыттааччыта Хаҥаластан Нөмүгүтүттэн Иванова Антонида Николаевна-Кыыдаана:

Атаарыы…

Бөртөлүөт түһэрин

Дьон аймана көрөр.

Мин саҥа көрөбүн

Атаарыы ыарахан буоларын…

Эмискэ кэлбит харах уутун

Кистии-саба соттоллорун.

Ону биллэрбэт санааттан

Күлэн-үөрэн ылалларын.

Ол да буоллар,  иһиттим

Уйулҕа сипсийэр саҥатын

Уолларыгар эрэнэллэрин,

Сүрдээх күүскэ күүтэллэрин!

Күүтүүлээх күндү оҕотунаан

Үөрүүлээх остуолга олоруохтарын!..

Бу, таҕыста убайым…

Уоттаах, сытыы харахтара,

Эрчимнээхтик өрө көтөхпүт илиитэ

«Долгуйумаҥ!

Барыта этэҥҥэ буолуо» диир курдуга

Ити биһиэхэ эрэли укпута!

Ити биһиэхэ кынат үүннэрбитэ!

Бөртөлүөт  ньирилиир тыаһын

Өр иһиллээн турдубут…