Антонина Григорьева: «Гражданнар үөрэххэ бырааптара толору хаалар»

Ил Түмэн дьокутаата Антонина Григорьева Ил Түмэҥҥэ Саха Өрөспүүбүлүкэтин Төрүт Сокуонугар уларытыылары киллэриигэ анаммыт аһаҕас истиилэр түмүктэринэн санаатын үллэһиннэ.

-Аһаҕас истиилэргэ киирбит уларыйыылар үөрэх эйгэтин биир кэлим ситимнэһиитин бириинсибин уларыппаттар. Маннык уларыйыылар бары эрэгийиэннэр конституцияларыгар киирдэ. Ол курдук, кылаас таһынааҕы үөрэх диэн эбии үөрэхтээһин диэҥҥэ уларыйан биэрдэ. Онон Төрүт сокуоҥҥа олохтоох өйдөбүллэргэ олоҕуран, сокуоннар оҥоһуллаллар.  Оҕо тохсус кылаас кэннэ үөрэҕин салҕыан да сөп, орто үөрэххэ да барыан сөп.  10-11 кылааска үөрэнии оннунан хаалар. Манна ханнык да хааччахтааһын суох. Оҕо уонна төрөппүт таларыгар кыах биэрэр. Гражданнар үөрэххэ бырааптара толору хаалар.