Аны маннык түөкүннүүр буолбуттар

Комиссионнай маҕаһыын атыыһыта эргэ төлөпүөнү туттарааччы пааспарын дааннайын туһанан түөкүннээбит. Ол курдук, эмсэҕэлээччи аатыгар 3500 солкуобай сууманы (микрозайм) үрдүк бырыһыаҥҥа иэс оҥотторбут.
Эмсэҕэлээччи тута полицияҕа үҥсүү түһэрбит. Дьокуускайга суһал көрдөөһүн түмүгүнэн, түөкүннээһиҥҥэ уорбаланар эр киһи тутуллубут. Онно быһаарыллыбытынан, маҕаһыыҥҥа атыыһытынан үлэлиир 19 саастаах эдэр киһи буолан биэрбит. Эмсэҕэлээччи эрдэ эргэ төлөпүөнүн комиссионнай маҕаһыыҥҥа туттарарыгар пааспарын дааннайын хаалларбыт. Түөкүннүүргэ соруммут эдэр киһи маны туһаммыт. Ол курдук онлайн-иэс биэрэр өҥөнү туһанан эмсэҕэлээччи аатыгар иэс ылбыт. Арассыыйа Федерациятын Холуобунай кодексатын 159 ыст. 1 чааһынан «Түөкүннээһин” диэн Холуобунай дьыала тэриллибит. Араас хабааннаах түөкүннээһин үгэннээн турар кэмигэр, пааспар, атын да докумуон дааннайдарын билбэт сиргэ хаалларар сэрэхтээх!
Сообщить об опечатке
Текст, который будет отправлен нашим редакторам: