Аны паромҥа киириигэ билиэти эрдэ атыылаһыахха наада

Бу күннэргэ социальнай ситимнэринэн Дьокуускай — Аллараа Бэстээх хайысхатынан айанныыр паромнарга төлөбүр систиэмэтигэр уларыйыылар киирбиттэр диэн иһитиннэрии тарҕанна.

Бу туһунан «Паромы Якутии» ХЭУо салайааччыта Николай Ефимов  СӨ Тырааныспарын уонна суол хаһаайыстыбатын министиэристибэтигэр:

— Билигин паромунан айаннааччылар накопительгэ киирдилэр даҕаны каассаҕа баран  билиэт атыылаһаллар. Ол кэнниттэн  паромҥа уочаратынан киирэллэр. Киириигэ билиэттэрин көрдөрөллөр. Күн-дьыл туругуттан көрөн, паромнар алтынньы бүтүөр диэри үлэлиэхтэрэ, — диэтэ.