Хаартыска: sakha.gov.ru
2025 сыл сааһыгар өрөспүүбүлүкэҕэ “Будущие носители “Идэтийии” төрүт култуураҕа идэтийбит маастарыстыба I чөмпүйэнээтэ ыытыллыаҕа.
Чөмпүйэнээти олохтуур туһунан сэртипикээти Бырабыыталыстыба Бэрэссэдээтэлин солбуйааччы Сергей Местников бүгүн, ахсынньы 28 күнүгэр, А.Д. Макарова аатынан Култуура, ускуустуба кэллиэһигэр туттарда, диэн иһитиннэрэр Ил Дархан, бырабыыталыстыба пресс-сулууспата.
“Култуура, ускуустуба кэллиэһэ көҕүлээбит бырайыага талааннаах оҕолору булууга уонна өйүүргэ туһаайыллар. Куонкурус кинилэр норуот төрүт култууратын чөл хаалларар, сайыннарар идэлэри таба тайаналларыгар көмөлөһүө. Бырайыагы олоххо киллэрэр туһугар бары улуустар оскуолаларыгар туһааннаах үлэни ыытыахха наада. Кэллиэс бу соругу кыайыа диэн эрэнэбит”, — диэтэ Сергей Местников.
Төрүт култуура чөмпүйэнээтэ бөлөхтөрүнэн ыытыллыа: юниордар – 7-12 саастаах оҕолор, сүрүн бөлөх – 13-18 саастаах улахан кылаастар үөрэнээччилэрэ, орто анал үөрэх устудьуоннара. Куонкурус маннык хайысхаларынан барыа: хомус, чабырҕах, норуот ырыата (дэгэрэҥ, дьиэрэтии), оһуохай, һээдьэ, олоҥхо.
Маны тэҥэ 18 сааһыттан хаарчаҕа суох декоративнай-прикладной айар үлэ маастардара чороону, саха быһаҕын, хомуһу оҥорууга кыттыахтара.
Олунньуга, кулун тутарга зонанан түгһүмэхтэр ыытыллыахтара, онно кыайбыттар финалга кыттыахтара.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…