Хаартыска -- Ил Дархан уонна Бырабыыталыстыба пресс-сулууспата
Олоҥхо дьоруойдарын тэҥэ аныгы кэм Үрүҥ Уоланнара суолталаах тэрээһин ыытыллар сылыгар төрөөбүт Өймөкөөннөрүн аар-саарга дорҕоонноохтук сураҕырдан, уолаттар Олоҥхо ыһыаҕын сынаарыйыгар киирдилэр.
Бу сонун көстүү туһунан сценарист Майя Власьева маннык быһаарда:
— Олус сүгүрүйэ ааттыыр фольклориһым Сэһэн Боло сэрии аҕай иннинэ сурукка тиспит Өймөкөөн олоҥхоһуттара Максим Аммосов “Дугуйа Бөҕө”, Николай Атласов “Күн Эрили” олоҥхолоруттан сюжет ылан, эбэн-сабан суруйбутум. Түмүгэр, бүтүн саха норуота киэн туттар дьоно, Өймөкөөнтөн силистээх-мутуктаах Биэрэк Үрдүттэн Арассыыйа дьоруойа, «Боотур» добровольческай бастакы этэрээт хамандыыра Александр Колесов, сахалартан Эверест хайаны аан бастаан дабайбыт, туризмы сайыннарааччы Евгений Кривошапкин, Москваҕа, Магадаан уобалаһыгар саха атынан тиийбит экстремал-айанньыт Дугуйдаан Винокуров XXI үйэ Айыы бухатыырдара буолан, Айыы санаа айанын айаннаабыттарын хоһуйан киллэрбитим.
Сынаарыйы киһи халлаан диэки хантаччы көрөн олорон суруйбат. Үгүс матырыйаалы, архыып чахчыларын хасыһан, ааҕан, ырытан, ситимнээн, олоҥхо тылынан дьүһүйэн таһаарыахтааххын. Ол курдук, 90 олоҥхо сюжетын ааҕарбар Олоҥхо институтун дириэктэрин эбээһинэһин толорооччу Руслан Анисимов электроннай матырыйаалларынан көмөлөһөн, үлэбин суһал соҕустук бүтэрбитим. Маны сэргэ, ыһыах алгысчыттарыттан биирдэстэрэ, Семен Сивцев-Өймөкөөн Сэмэнэ сирин-дойдутун, хайаларын ойуулуурбар сүбэтэ-соргута, төрөөбүт дойдутун дьыл түөрт кэмигэр түһэрбит хаартыскаларын ыытан, иэйиим уһуктарыгар олус көмөлөстө. Бу ааттаабыт дьоммор махталым муҥура суох.
Ити курдук, Олоҥхо ыһыаҕын көрсө үйэлэргэ хаалар үтүө дьыаланы оҥорон, төрөөбүт Өймөкөөннөрүн улууһун аар-саарга аатырбыт саха хоһууннара чиэстээхтик бэлиэтэннилэр.
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…
Норуоттар сомоҕолоһууларын күнүгэр «Норуот уонна аармыйа — биир сомоҕо» фашизмы утары өрөспүүбүлүкэтээҕи III пуорум чэрчитинэн,…
Бүгүн, сэтинньи 4 күнүгэр, СӨ Бырабыыталыстыбатын бэрэссэдээтэлэ Кирилл Бычков Норуот сомоҕолоһуутун күнүгэр анаммыт «Доҕордоһууну, Эйэни,…
Норуот сомоҕолоһуутун күнүгэр Дьокуускайга автопробег ыытылынна. Бу туһунан Дьокуускай куорат дьаһалтатын пресс-сулууспата иһитиннэрэр. Массыына холуонната…
Байанай ыйа саҕаланар биир күнүгэр Клара Андреевна уонна Никандр Прокопьевич Тимофеевтарга улуу олоҥхону дьоһуннаан олорон…
РФ Силиэстийэлиир кэмитиэтэ Саха сиригэр Алдан куоракка саахалланар туруктаах дьиэ олохтоохторун өр кэмҥэ көһөрбөтөх чахчытынан…