Аныгы саха оҕото мантан төһөтүн сатыырый?

Бу тыа эрэ сиригэр олорор оҕолорго буолбакка, саха оҕолоругар туһаайыллар. Саха оҕото барытын сатыырга кыһаныахтаах. Эһиги оҕолоргут мантан төһөтүн сатыылларый?

Билигин уонун ааспыт (11-15 саастаах) саха уола тугу сатыахтааҕый?

— Кутаа оттон чэй өрүнүөхтээх;
— От охсуохтаах, мунньуохтаах, кыдамалыахтаах, оту түстүөхтээх;
-Мас хайытыахтаах, саһаан туруорары сатыахтаах;
— Муус ылсыахтаах, салааскаҕа соһору кыайыахтаах;
-Кустуохтаах, аҕатын, убайдарын кытта булка сылдьыахтаах, сатыы уһуну хаамыахтаах;
-Идэһэ астаһыахтаах. Эти эттиэхтээх;
-Тоҥ балыгы сатаан кыһыахтаах;
-Туунан мундулуохтаах, илим үтэргэ көмөлөһүөхтээх;
— Тыынан эрдинэри сатыахтаах;
— Ууга харбыахтаах;
-Идэһэ иһин сууйсуохтаах. Хаан кутуһуохтаах;
-Собону хатырыктыахтаах, сатаан үөстүөхтээх;
-Маһынан кыччаныахтаах. Эт кырбыыр маһы, лаппаахыны саатар оҥоруохтаах;
-15-25 перекладинаҕа тардыныахтаах;
— тутум маһын эргийиэхтээх;
-Сэһэн, роман ааҕарга номнуо холонуохтаах.

Билигин уонун ааспыт кыыс оҕо (11-15 саастаах) тугу сатыахтааҕый?

— Чэй өрөн, күөс өрөн остуол тардары сатыахтаах. Күөс — миин;
-Иһити сууйуохтаах;
— Муостаны сууйуохтаах;
— Дьиэ иһин ыраастык тутууга этитиитэ суох дьаһаллары ылыахтаах;
-Оҕуруокка сыыс от үргүөхтээх, уу кутуохтаах;
-Сир астаан отон, моонньоҕон үргээн 10-наах биэдэрэни толоруохтаах;
-Тиэстэ мэһийэн биир бурдук аһы сатыыр буолуохтаах;
— Күөрчэҕи ытыйыахтаах;
-Собо хатырыктыахтаах, үөстүөхтээх;
— Куһу сатаан үргүөхтээх;
-Ийэтигэр илии-атах буолуохтаах;
— Ис сууйсан, хаан кутуһуохтаах;
— Иистэниэхтээх, тимэх тиктиэхтээх;
— Таҥаһы дьүөрэлээн кэтэри сатыахтаах;
-Ынах ыаһыахтаах;
-Балтыларын, бырааттарын оҕолуохтаах;
-Кинигэ ааҕыахтаах, санаатын сурунар өйдөөх буолуохтаах;
— Штораны сатаан устан, сууйтаран, түннүккэ ыйыыры сатыахтаах.