Нина Саввина хаартыскаҕа түһэриитэ
Кыһыммыт ыган кэллэ, тымныылар саҕаланнылар… Ичигэстик таҥнар кэм буолла.
Ону кытта тэбис-тэҥҥэ тугу кэтиэххэ, хайдах таҥныахха, туох эрэ саҥаны чэпчэки сыанаҕа булбут киһи диэн, о.д.а. санаалар кииртэлииллэр. Маныаха ыал ийэлэрэ ордук түбүгүрэллэр, толкуйга түһэллэр.
Онтон билигин кыһыҥҥы бэргэһэни, сону, куурканы да чэпчэки сыаналаах, сымнаҕас, ичигэс, бары өттүнэн табыгастаах матырыйаалынан тигэн эбэтэр бэлэми атыылаһан ылар буоллулар.
Маныаха Аппааны олохтоохторо, ииһинэн дьарыктанар ийэлэр, эбэлэр олох тэтимин ирдэбилиттэн хаалсыбаттар. Бу күһүҥҥүттэн чугас дьонноругар, оҕолоругар, сиэттэригэр араас быһыылаах бэргэһэлэри тигэн саҕалаабыттара.
Маны барытын сүрүн үлэтин быыһыгар быыс булан, иискэ дьоҕурдаах, уопуттаах иистэнньэҥ П.И.Куличкина маастар-кылаас ыытан, көрдөрөн, үөрэтэр. Онон сорохтор номнуо бастакы үлэлэрин бүтэрдилэр. Иистэрэ табыллан бэйэлэрэ да астыннылар, дьоннорун да үөртүлэр.
Түгэнинэн туһанан эттэхпинэ, бу тикпит бэргэһэлэрин көрбүттэр бэйэлэригэр, дьонноругар тиктэрээри ыйыталаһаллара, сураһаллара элбээтэ. Онтон сорохтор иистэнньэҥнэргэ үөрэнэ, иистэнэ кэлэр баҕалаахтарын биллэрдилэр.
Нина Саввина,
Аппааны, Нам.
Ааптар хаартыскаларга түһэриитэ
Бэҕэһээ, олунньу 10 күнүгэр, Чурапчы улууһугар И. Е. Федосеев - Доосо аатынан Дириҥ орто агро-оскуолатыгар…
Боксаҕа Арассыыйа үтүөлээх маастара, Олимпийскай оонньуулар кыттыылааҕа, аан дойду чөмпүйэнээтин үрүҥ көмүс призера Василий Егоров…
Дьокуускай куораттааҕы үөрэх управлениета иһитиннэрбитинэн, олунньу 11 күнүнээҕи туругунан, 20 үөрэх тэрилтэтигэр ОРВИнан сибээстээн быстах…
Ханнык баҕарар балыгы буһарыах иннинэ маринадка туруордахха, олус минньигэс буолар. Оттон ону эбии пиибэлээх клярга…
Суруйааччы Константин Эверстов кылгас кэм иһигэр икки саҥа кинигэтэ таҕыста. Ол курдук, ааспыт сыл ахсынньытыгар…
Фронт кирбиитигэр саха конструктордара оҥорбут сеткомёттарын бэрэбиэркэлээн көрөн баран, байыаннайдар үрдүк сыананы биэрдилэр. Бу туһунан…