Хаартыска: "Айар" кинигэ кыһата
Бүгүн, ыам ыйын 25 күнүгэр, Нам улууһун Аппааны сэлиэнньэтин «Чороон» норуот айымньытын киинигэр ««Айарга» суруйааччы көстүүнэйэ» тэрээһин ыытыллар. Бу күн дьиҥ олоххо баарга тирэҕирэн суруллубут “Три кувшина” кинигэ ааптара, биллэр суруналыыс Сардаана Сивцева-Саная ыалдьыттыыр.
14 чаастан үрүҥ көмүс симэхтэри тута ыраастааһын, көмүһү сатаан харайыы кистэлэҥнэрин кэпсиэхтэрэ. Илин кэбиһэри ыраастатарга сакаас ылыахтара.
Саха таҥаһыгар оҕуруонан оһуор анньарга маастар-кылааһы Марфа Стручкова тэрийиэҕэ.
Онтон 16.00 чаастан ааптары кытары сирэй көрсөн, “Три кувшина” кинигэ тула иһирэх кэпсэтиини суруйааччы Евдокия Иринцеева-Огдо ыытыаҕа.
Сардана Сивцева-Саная алгыстаах автограф-сиэссийэтигэр ааптар илии баттааһыннаах кинигэ бэлэх тутуохтара.
Тэрээһин устата «Айар» кыһа кинигэлэрин атыылыыр дьаарбаҥка үлэлиэҕэ.
Аппааны олохтоохторун уонна ыалдьыттарын өссө биир соһуччу бэлэх күүтэр. Ол курдук, 18.00 чаастан Саха Өрөспүүбүлүкэтин норуодунай артыыһа Александр Бурнашов кэнсиэрэ буолуоҕа.
Бу күн хас биирдии көрөөччүгэ «Айар» кыһа уонна норуодунай артыыс тус бэлэхтэрэ баар буолуохтара.
БЫҺААРЫЫ
Өссө биир кинигэ, өссө биир дьылҕа. Киһи дьылҕата ханна эрэ суруллан турар да буоллаҕына, ону бэйэ ылан аахпыта-билбитэ диэн суох. Олоххор туох күүтэрэ хаһан да таайыллыбат таабырын. Бу түгэни саха дьахтарын дьылҕата, кини ыччата диэҕи, хайдах эрэ тутах курдук. Киниэнинээҕэр дьикти дьылҕа кэргэн буолбут киһиэхэ ирээттэммитин туһунан бу “Три кувшина” сэһэн кэпсиир.
Хомоҕой тыллаах ааптар Сардаана Сивцева-Саная хараастыылаах түгэннэри баарынан ойуулаан, мунаарыах буоллахха чуо-бааччы этитэлээн, дьиҥ кырдьыгы сирэйгэ этэртэн чаҕыйбат, толлубат тыыннааҕа ааҕааччыны сэҥээрдэр.
Сэтинньи 25-26 күннэригэр саха тылын, литэрэтиирэтин, култууратын учууталларын өрөспүүбүлүкэтээҕи III сийиэһэ ыытыллаары турар. Сийиэскэ сүүрбэччэ…
Саха сирин уустара Москваҕа ыытыллыбыт «Клинок – үгэс уонна аныгы кэм» норуоттар икки ардыларынааҕы быыстапка…
Дьокуускайга ыытыллар Дмитрий Коркин аатынан норуоттар икки ардыларынааҕы күрэхтэһиигэ Беларусь сүүмэрдэммит хамаандатын састаабыгар эр дьоҥҥо…
Алдан улууһун борокуратуурата сокуону кэһэн азартнай оонньуулары тэрийиигэ уонна ыытыыга буруйданар улуус икки олохтооҕун утары…
Дьокуускай куорат дьаһалтатыгар "Кыһын Саха сириттэн саҕаланар" өрөспүүбүлүкэтээҕи бэстибээл тэрийэр хамыыһыйатын мунньаҕа буолла. Мунньаҕы куорат…
Муома улууһун Кустуур сэлиэнньэтигэр сэтинньи 6 күнүгэр И.Н. Слепцов аатынан агро-оскуола «Уйа» бырайыагын чэрчитинэн тутуллубут…