Ю.Петров ыытта
Бүгүн Нам улууһун Аппааны сэл. үөрүүлээх түгэн тосхойдо. Ол курдук, 70 сүөһү турарыгар аналлаах саҥа хотон үлэҕэ киирдэ. Онон манна үрүҥ илгэ үрүлүйэригэр, сүөһү-ас этэҥҥэ кыстыырыгар бэртээхэй усулуобуйа тэрилиннэ.
— Улууспутугар тыа хаһаайыстыбатын управлениета (нач. В.Макаров) быйыл үс саҥа хотону киллэрэр былааннаах этибит. Ол курдук, Аппааныга, 1 Хомустаахха. Фрунзеҕа. СӨ Тыатын хаһаайыстыбатын уонна ас-үөл бэлиитикэтин министиэристибэтэ быйыл боломуочуйалары муниципальнай тэриллиилэргэ биэрбитинэн, хотоннору тутар кыахтанныбыт. Үчүгэй дьаһал, толкуй эбит диэн сыаналаатыбыт. Бу хотоҥҥо Василий Иванович Петров диэн эдэр киһи сүөһүлэрэ тураллар. Кини иллэрээ сыл “Агростартапка” кыайбыта. Ийэтэ Мотрена Константиновна Петрова эмиэ” Саҥа саҥалыыр пиэрмэр” гранын ылан турар. Онон өссө икки хотоммут үлэҕэ киирдэҕинэ, дьэ, хаһаайыстыбаларбытыгар улахан абыраллаах буолуоҕа. Хотону алгыстаан арыйыы сиэригэр-туомугар министиэристибэттэн сүөһү иитиитигэр уонна кэпэрээссийэҕэ отделын начаалынньыга Михаил Колесов кыттан, истиҥ эҕэрдэтин тириэртэ. Кыттыбыт дьон бары саҥа хотону олус астыннылар, — диэтэ улуустааҕы тыа хаһаайыстыбатын управлениетын начаалынньыгын солбуйааччы Юрий Петров.
Хаартыска: Ю.Петров ыытта.
Дьокуускай куоракка Суһал мэдиссиинискэй көмө станциятыгар 2025 сыл ахсынньы 31 күнүттэн тохсунньу 12 күнүгэр диэри …
Сунтаарга улуус баһылыгын Саҥа дьыллааҕы харыйата хас биирдии оҕоҕо күүтүүлээх кэрэ түгэнинэн буолар. Үөрүүлээх бырааһынньыкка …
Бүгүн, тохсунньу 15 күнүгэр, Дьокуускай куоракка Арассыыйа футболга сүүмэрдэммит хамаандатын экс-хапытаана Алексей Смертин кэллэ. СӨ…
Үс күн устата барбыт В.П.Ларионов аатынан өрөспүүбүлүкэтээҕи “Инникигэ хардыы” 30-c төгүлүн ыытыллар кэмпириэнсийэ-күөн күрэс түмүктэннэ.…
Дьокуускай куоракка полицейскайдар тутуу биригээдэтин үлэһитэ электроинструменнары уорууга уорбаланарын быһаардылар. Полиция 1-кы нүөмэрдээх отделын дьуһуурунай…
Тохсунньу 14 күнүгэр Уус Маайа улууһун Белькачи сэлиэнньэтин кулууба умайан эрэрин туһунан суһал иһитиннэрии баһаарынай-быыһыыр…