Аполлинария Дегтярева «Присутствие» киинэтэ киэҥ экраҥҥа тахсыаҕа

Сэтинньи 13 күнүттэн режиссер Аполлинария Дегтярева «Присутствие»  диэн саҥа  киинэтэ киэҥ экраҥҥа тахсыаҕа. 

Мистическэй триллергэ кылаабынай оруолу Олоҥхо тыйаатырын артыыската  Анастасия Алексеева толордо.  17 симиэнэҕэ биир кыбартыыраҕа уһуллубут киинэ элбэх дьикти түгэннэртэн турар.

Хартыына 2024 сыллаахха  «Дух огня»  киинэ дебюттарын норуоттар икки ардыларынааҕы бэстибээлин лауреатынан буолбут. Итиэннэ  «Маяк» бэстибээл сүрүн куонкуруһун быһаарыытынан, Арассыыйа 10 бастыҥ киинэтин иһигэр киирбит. Маны таһынан,  «ПРИСУТСТВИЕ»  2023 сыллаахха Бишкектээҕи норуоттар икки ардыларынааҕы киинэ бэстибээлигэр кыттыбыт.

Киинэҕи бэйэтэ бэйэтигэр  бүгэн олорор кыыс туһунан кэпсэнэр. Кыыс дьиэтигэр туох эрэ ураты дьикти күүс баарын билэр…

Киинэ оператора —  Александр Красновскай, худуоһунньук-туруорааччы — Григорий Кокарев, звукорежиссер Иннокентий Сивцев, композитор Дарья Звездина уонна таҥааччы режиссер — Никита Иконников. Генеральнай  продюсердар  — Дмитрий Давыдов уонна  Аполлинария Дегтярева.

Оруолларга: Анастасия Алексеева, Валентина Романова (Чыскыырай), Дмитрий Хоютанов, Сарыал Кириллин, Рудольф Спиридонов.

Билиэттэр  Мост, Афиша.якт платформаларга уонна киинэ тыйаатырын каассаларыгар атыыга таҕыстылар.

Р

Режиссер А.Дегтяреваны уонна артыыс  А.Алексееваны кытары кэпсэтиини бу сигэнэн киирэн көрүҥ: https://jour-ykt.ru/2025/11/07/16147/