Хаартыска: СИА.
Үөрэх миниистирэ Сергей Кравцов иһитиннэрбитинэн, биэдэмистибэ аны икки сылынан БКЭ иһинэн бэйэ талан ылыыга алтыс эксээмэн быһыытынан арааб тылын киллэрэр былааннаах.
«Биһиги аны икки сылынан биир кэлим судаарыстыбаннай эксээмэҥҥэ бэйэ талан ылыыга арааб тылын алтыс эксээмэн быһыытынан киллэрэр былааннаахпыт», — диэн үөрэх миниистирэ кэпсээтэ.
Бу иннинэ былырыын ахсынньыга маннык этиилээх Рособрнадзор баһылыга Анзор Музаев тахсыбыта. Кини ону тэҥэ инникитин арааб тыла бэйэ талан ылар эксээмэн ахсааныгар киириэн сөбүн туһунан эппитэ.
«Федеральнай судаарыстыбаннай үөрэх ыстандаартын ырытан оҥоруохха, ол баазатыгар учуобунньуктары бэчээттиэххэ, ити кэннэ тургутууну ыытыахха наада. Итини сэргэ оскуолаҕа арааб тылын үөрэтиигэ педагогическай каадырдары бэлэмниэххэ наада. Федеральнай үөрэх бырагырааматын оҥоруу кэнниттэн БКЭ иһинэн туттарыллар биридимиэттэр ахсааныгар киириэн сөп, ол кэннэ үрдүк үөрэх кыһалара бу эксээмэн түмүгүн учуоттуур буолуохтара. Баҕар аҕыйах сылынан бу соругу биһиги быһаарыахпыт», — диир Анзор Музаев.
Билигин оскуола оҕолоро английскай, немецкэй, французскай, испанскай уонна кытай тылларыгар БКЭ туттарыахтарын сөп. Холобур быһыытынан Рособрнадзор баһылыга санатарынан, кытай тылын БКЭ испииһэгэр киллэриигэ биэс сыл наада буолбута.
Дьокуускайдааҕы полиция отделыгар дьахтар харчытын уордарбытын туһунан иһитиннэрбит. Маныаха 28 саастаах таксист уорбаланара биллибит. Бу…
Саха тыйаатырын артыыһа Василий Борисов уһуллубут "Красный шелк" киинэ Арассыыйа бары киинэ тыйаатырдарыгар көстөн саҕалаата.…
Бүгүн, бэс ыйын 5 күнүгэр, Саха сирин сорох улуустарыгар кыралаан ардыыра, инчэҕэй хаар түһэрэ күүтүллэр…
Бу күннэргэ Үөһээ Бүлүү улууһугар «Көмүскэл» доруобуйаларыгар хааччахтаах оҕолоох төрөппүттэр түмсүүлэрэ оҕолоругар анаан кэнсиэр оҥордулар.…
Биир кэлим эксээмэҥҥэ быйыл бастакынан 100 баалы ылбыт оҕолор ааттара билиннэ. Кинилэр кимнээҕий? Химия биридимиэтигэр…
Өрүскэ айан саҕаламмытынан сибээстээн, кыра кээмэйдээх суудуналары өрүстэргэ, күөллэргэ ыытыы кэмигэр инникитин дьон-сэргэ тус олоҕор…