Хаартыска sakha.gov.ru ылылынна
Араадьыйа уонна сибээс эйгэтин үлэһиттэрин, бэтэрээннэрин ис сүрэхпиттэн Араадьыйа күнүнэн истиҥник эҕэрдэлиибин!
Өссө ХХ үйэ 20-с сылларыгар Платон Алексеевич Ойуунускай «араадьыйа — бу аан дойдуну барытын хабар Саха кыраайын кулгааҕынан буолар. Бу дьиктини биһиги баһылыахтаахпыт» диэн этэн турар. Кырдьык, сырдатыы үлэтигэр араадьыйа улахан суолталаах этэ. Саҥа тэхиньиичэскэй ситиһии билиини-көрүүнү сайыннарарга, кэҥэтэргэ нэһилиэнньэҕэ улаханнык көмөлөспүтэ.
Билигин интэриниэт төһө да сайдыбытын иһин, биһиги араадьыйабыт биир саамай наадалаахпытынан буолар. Биһиги 1966 с. тохсунньу 1 күнүттэн үлэтин саҕалаабыт уос номоҕо буолбут «Радиостанция № 1» сөргүтүүгэ үлэлиибит. «1 №- дээх радиостанция» федеральнай баай-дуол комплекса өрөспүүбүлүкэ бас билиитигэр бэриллибитэ. Бу бырайыагы олоххо киллэрии Саха сирин хоту өттүн, ол иһигэр Хотугу муора суолун сорҕотун хабыаҕа.
Эрэгийиэн сайдыытыгар хаачыстыбалаах сибээс улахан кыаҕы биэрэр уонна нэһилиэнньэ олоҕун хаачыстыбатын үрдэтиигэ эмиэ дьайар. Бүгүҥҥү күҥҥэ өрөспүүбүлүкэҕэ 14 тыһ. тахса км. ВОЛС тутулунна. Ол түмүгэр, түргэн тэтимнээх интэриниэккэ 386 нэһилиэнньэлээх пуун холбонно, оттон спутниковай интэриниэт 100 % кэриҥэ хапта. Бу улахан үлэ салҕанар. Ол курдук, «Синергия Арктики» бырайыак чэрчитинэн ВОЛСка Арктика оройуоннааҕы кииннэрэ бары холбонуохтара. Маны сэргэ, чугастааҕы сылларга Арассыыйаҕа спутниковай бөлөҕү тэрийиини кытта сибээстээх саҥа толкуйдары киллэриини былаанныыбыт.
Бу бырааһынньык күн өрөспүүбүлүкэ социальнай- экэнэмиичэскэй сайдыытыгар кылааккытын бэлиэтээн туран, сибээс салаатын бары үлэһиттэригэр, бэтэрээннэригэр таптыыр дьыалаҕытыгар бэриниигитин сыаналаан туран, истиҥ-иһирэх махталбын тиэрдэбин. Үлэҕитигэр ситиһиилэри, чэгиэн доруобуйаны баҕарабын!
СӨ Бырабыыталыстыбатын Бэрэссэдээтэлин солбуйааччы Анатолий Семенов
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…