Хаартыска: СИА
2021 сыл ахсынньытыттан өрөспүүбүлүкэтээҕи 3 №-дээх килиниичэскэй балыыһаҕа дьахтар киэлитин (маткатын) араагар (РШМ) скринины боруобалыыр бырагыраама үлэлээн саҕалаабыта. Бырагыраама чэрчитинэн, 30-65 саастаах дьахталлар гинекологка көрдөрөн, РШМ сайдарыгар сүрүн төрүөт буолар папиллома вируһун көрүҥүн чинчиттэрэр кыахтаахтар.
Билигин РШМ — эрдэттэн сэрэтиэххэ сөптөөх онкология соҕотох ыарыыта. Онуоха дьахтар тиһигин быспакка гинекологка сылдьыахтаах уонна кини сааһыгар сөп түбэһэр чинчийиилэри ааһыахтаах.
Бу туһунан алтынньы 29 күнүгэр 13.00 чаастан «Будущее без рака шейки матки» пресс-кэмириэнсийэҕэ кэпсэтиэхтэрэ.
Пресс-кэмпириэнсийэҕэ РШМ утары охсуһуу аныгы кыахтарын дьүүллэһиэхтэрэ уонна Орто Халыма улууһугар оробуочай сырыыларын түмүгүн кэпсиэхтэрэ.
Манна кыттыахтара: мэдиссиинэ наукатын доктора, бэрэпиэссэр, “Академик В.И.Кулаков аатынан акушерство, гинекология уонна перинатология национальнай мэдиссиинискэй чинчийэр киинин эстетическэй гинекологияҕа уонна реабилитацияҕа отделениетын салайааччыта Инна Анатольевна Аполихина;
Академик В.И.Кулаков аатынан акушерство, гинекология уонна перинатология национальнай мэдиссиинискэй чинчийэр киинин эстетическэй гинекологияҕа уонна реабилитацияҕа отделениетын үрдүк категориялаах акушер-гинеколога, наука үлэһитэ Елена Алексеевна Горбунова;
Өрөспүүбүлүкэтээҕи 3 №-дээх килиниичэскэй балыыһа кылаабынай бырааһа, “Саха Өрөспүүбүлүкэтигэр ВПЧ-диагностикаҕа олоҕуран РШМ эрдэ булуу” бырайыак оробуочай бөлөҕүн салайааччыта Ольга Викторовна Татаринова;
Өрөспүүбүлүкэтээҕи 3 №-дээх килиниичэскэй балыыһа акушер-гинеколога, “Саха Өрөспүүбүлүкэтигэр ВПЧ-диагностикаҕа олоҕуран РШМ эрдэ булуу” бырайыак оробуочай бөлөҕүн стейкхолдера Сардана Егоровна Киприянова.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…