Хаартыска -- СӨ Ыччат уонна социальнай коммуникация министиэристибэтэ.
Ыччат дьыалатын федеральнай ааҕыныстыбата Арассыыйа ыччатын гранын бастакы түһүмэҕин — сайаапкалары ылыыны түмүктээтэ.
Соторутааҕыта Ил Дархан Айсен Николаев Ыччат дьыалатын федеральнай ааҕыныстыбатын салайааччытын солбуйааччы Дамир Фаттаховы кытта көрсөн баран, ыччат бырайыактарын ааҕыныстыба улаханнык өйүүрүгэр махталын биллэрбитэ. Саха сириттэн быйыл 18 хайысхаҕа 116 сайаапка киирбит.
Уопсайа дойду эрэгийэннэриттэн ааҕыныстыба аатыгар 10737 сайаапка түспүт. Ордук элбэх кыттааччы доруобуйа харыстабылын, уопуту үллэстии, бэйэ көҕүлээһинин хайысхаларыгар бааллар.
Арассыыйа ыччаттарыгар биллэрбит грант түмүгэ бэс ыйын 14 күнүгэр биллиэҕэ.
Саха сирин ыччата «Муус устар» бэстибээл чэрчитинэн ыытыллыбыт грант куонкурсугар көхтөөхтүк кыттыбыт. 19 кыттааччы уопсайа 8 мөлүйүөн солкуобайдаах граҥҥа кыайбыттар.
ХИФУ устудьуона Анастасия Резник 250 000 солкуобай харчыны ылбыт. Кини көҕүлээһининэн ыччаттар былырыын «Якутия в лицах» арт-эйгэни оҥорбуттар. Онно Саха сирин сайдыытыгар улахан кылааттарын киллэрбит дьон мэтириэттэрин анныгар кини кылаатын туһунан кылгас иһитиннэриилэри суруйбуттар. Бу бырайыак арт- эбийиэктэрэ Уус Алдан Лөгөйүгэр, Нам улууһугар, Дьокуускай куорат 10-с нүөмэрдээх оскуолатыгар, РФ Хотугулуу-Илиҥҥи норуоттарын тылларын институтугар тураллар.
Бүгүн, сэтинньи 28 күнүгэр, Хотугулуу- Илиҥҥи федеральнай университет учуонай Сэбиэтин саалатыгар РФ Аҕа дойдуну көмүскээччилэр…
«Грипп утары быһыыны хаһан ылар табыллыбатый?», - диэн «Саха сирэ» саайт ааҕааччылара ыйыталлар. Бу ыйытыкка…
Дьокуускайдааҕы килиньиичэскэй балыыһаҕа сэтинньи 24 күнүгэр, Арассыыйаҕа Ийэ күнүгэр, күн сирин көрбүт оҕолору таһаарыы үөрүүлээх…
Бу күннэргэ кэккэ СМИ-нэн Омскай, Амур уобаластарын уонна Санкт-Петербург, Краснодар, Москва куораттарын олохтоохторо ииримтийбит ыттарга…
Хаҥалас улууһун олохтооҕо дьиэтин иһиттэн малын уорбуттарын туһунан полицияҕа тыллаабыт. Эмсэҕэлээччи эр киһи 30 000 солк.…
Дойдубут аҕа баһылыга Владимир Путин сэтинньи 27-28 күннэригэр Казахстаҥҥа командировкаҕа баран кэллэ. Казахстан бэрэсидьиэнин Касым-Жомарт…