Арассыыйа Бэрэсидьиэнэ «Патриотическай» ТОР  резиденнэрин кытары көрүстэ

Арассыыйа Бэрэсидьиэнэ «Патриотическай» ТОР  резиденнэрин кытары көрүстэ

18.06.2024, 21:30
Хаартыска: Петр Ковалев
Бөлөххө киир:

Арассыыйа Бэрэсидьиэнэ Владимир Путин бэс ыйын 18 күнүгэр Саха сиригэр оробуочай сырыытын чэрчитинэн «Патриотическай» ТОР (урутаан сайдар сир-уот) уонна «Якутия» Технопарк  резиденнэрин кытары көрүстэ, пилота суох көтөр аппарааттар (БПЛА) Арктикатааҕы этэрээттэрин састаабын кытары кэпсэттэ.

«Патриотическай» ТОР өйөөһүн дьаһаллара Уһук Илиҥҥэ Арассыыйа бырабыыталыстыбатын бэрэссэдээтэлин солбуйааччы -– Уһук Илиҥҥи эрэгийиэҥҥэ Арассыыйа Бэрэсидьиэнин боломуочуйалаах бэрэстэбиитэлэ Юрий Трутнев көҕүлээһининэн олоххо киллэриллэллэр.
«Үлэ кыбартаала» креативнай кластерга тэриллибит быыстапкаҕа судаарыстыба баһылыгар урутаан сайдар сир-уот резиденнэрин бородууксуйатын көрдөрдүлэр. Бэйэлэрин ситиһиилэрин туһунан Саха сирин оҥорон таһаарааччылара эмиэ кэпсээтилэр. Холобур, «Якт-Сокол» ХЭО квадроцикллары уонна снегоболотоходтары оҥоруунан дьарыктанар. Снегоболотоходтар суол араас ыарахан усулуобуйатыгар сылы быһа таһаҕаһы таһар аналлаахтар уонна илиинэн хомуллаллар. «Саха Дрон» хампаанньа араас модификациялаах пилота суох көтөр аппарааттары оҥорор уонна ону бырагырааманан хааччыйар. «Саха фильтр» ХЭО ууну ыраастыырга блок-прицеби уонна байыаннай, гражданскай усулуобуйаҕа «Байкал» ууну ыраастыыр көһө сылдьар систиэмэни оҥорбут. «Хоту тент» инновационнай матырыйааллартан бородууксуйалары сылы быһа оҥорор. «Саха сиринээҕи хочуол собуота» аармыйаҕа балааккаларга, блиндажтарга туһаныллыан сөптөөх ититэр оһохтору оҥорор.
«Сулус» үөрэтэр-стрелковай киин үлэтин туһунан бэрэсидьиэҥҥэ Киин салайааччыта, Арассыыйа Дьоруойа Александр Колесов кэпсээтэ. Кини бэрэсидьиэҥҥэ «Сулус» сүрүн элэмиэнинэн 4 килэмиэтир ыраахха ытарга аналлаах полигон буоларын туһунан иһитиннэрдэ. Полигон өссө биир уратытынан -50 кыраадыска курсаннары бэлэмниир  уонна тэриллэри боруобалыыр кыахтааҕа  буолар.
«Билигин «Сулус» киин байыаннай эпэрээссийэҕэ үрдүк кылаастаах снайпердары бэлэмнээһиҥҥэ көхтөөхтүк кыттар. Биһиги Кииммит иһинэн үөрэҕи бүтэрбит 120 киһи байыаннай эпэрээссийэ буола турар араас хайысхаларыгар байыаннай сорудахтары толорор», -– диэн Александр Колесов бэлиэтээн эттэ.
Владимир Путин ону сэргэ пилота суох көтөр аппарааттар Арктикатааҕы этэрээттэрин бэрэстэбиитэллэрин кытары көрүстэ. Этэрээт Ил Дархан Айсен Николаев көҕүлээһининэн, РФ Байыаннай күүстэрин управлениетын өйөбүлүнэн 2023 сыл сэтинньитигэр тэриллибитэ. Билигин этэрээт бойобуой бөлөхтөрө байыаннай эпэрээссийэҕэ сорудахтары толороллор. Дьокуускайга этэрээт үлэтин чэрчитинэн наадалаах тэриллэринэн сэбилэммит үөрэтэр киин үлэлиир. Оператордары, дроннары, тиэхиньикэ исписэлиистэрин бэлэмнииллэр. Киин үлэтин уопутун Владивосток үөрэтэр киинигэр уонна Ростов-на-Дону куоракка БПЛА оскуолатыгар туһаналлар. Билигин инновация хайысхалаах анал байыаннай чааһы тэрийэргэ былаанныыллар.
-«Саха Дрон» пилота суох көтөр аппарааттар эрэллээхтэрин инники кирбиигэ көрдөрбүттэрэ, -– диэтэ этэрээт хамандыыра, ыстаарсай лейтенант Анатолий Храмов. Кини этэрээт байыастарын ааттарыттан Бэрэсидьиэҥҥэ байыаннай эпэрээссийэ буойуннарыгар анаммыт «Дорогой жизни» хоһооннорун хомуурунньугун бэлэхтээтэ.  Владимир Путин Саха сиринээҕи БПЛА этэрээтин састаабыгар махтанна уонна байыастарга ситиһиини баҕарда.

+1
2
+1
0
+1
0
+1
0
+1
0
+1
0
+1
0
Бары сонуннар
Салгыы
21 июля
  • 28°C
  • Ощущается: 28°Влажность: 39% Скорость ветра: 2 м/с

Сообщить об опечатке

Текст, который будет отправлен нашим редакторам: