Алтынньы 22 күнүгэр Москва бириэмэтинэн 22 чаас 57 мүнүүтэҕэ (олохтоох бириэмэнэн 04:57 чааска, ол аата Саха сиригэр алтынньы 23 күнүн түүнүгэр) “Восточнай” космодромтан “Союз -2.1б” аракыата куйаарга үс спутнигы (“Гонец-М”, “Скиф –Д”, “Сфера”) таһаара көппүтэ.
Алтынньы 23 күнүгэр анал бөлөх бөртөлүөтүнэн аракыата тобохторун көрдүү көппүтэ. Бүлүү улууһугар Түҥ өрүс чэҥэрбит тыынын тумана былыт курдук тыа үрдүн саба хаппахтаан, сырдыгы баттаһа аракыата тобохторун көрдөөһүҥҥэ улаханнык мэһэйдээбит. Туман былыт дьайҕарарын кэтэһэннэр тоҕоостоох сири буланнар сис тыа ортотугар түһэннэр икки чаас курдук кэтэспиттэр. Былыт дьайҕарбытыгар тобох түспүт оройуонунан, схема быһыытынан, уһаты-туора көтөн көрдөөбүттэр да, аракыататтан сиргэ түспүт биир да фрагмент көстүбэтэх.
Алтынньы 24 күнэ былыттаах, хаардаах күн буолан көппөтөхтөр. Бэҕэһээ, алтынньы 25 күнүгэр, тустаах бөлөх иккис көтүүнү оҥорбута уонна аракыата көтүүтүн түргэтэтэр блок тобохторун булбуттар. «Аракыата тобоҕун Бүлүү өрүс салаата Түҥ өрүскэ түһэр Орто Хорҕоччума уонна Арҕаа Хорҕоччума үрэхтэр аттыларыттан буллулар. Көрдүүр үлэ манан эрэ бүппэт. Аракыата бааҕын (окислитель) була иликтэр. Ону хайаан да булуохтаахтар», — диэн “Тимирдикээн” ООПТ иниспиэктэрэ Андрей Яковлев иһитиннэрдэ. Былаан быһыытынан аракыата тобохторун алтынньы 30 күнүгэр диэри көрдүөхтэрэ.
Санатар буоллахха, “Союз -2.1б”аракыата арахса р РП-985 чааһа Бүлүү улууһун сиригэр-уотугар түһүөхтээҕэ эрдэ чуолкайдаммыта уонна сэрэтиллибитэ. Аракыата сиргэ түспүт тобохторун көрдүүр уонна ол түспүт учаастактарыгар мониторинг оҥорор соруктаах бөлөххө “ЦЭНКИ” АО филиалын сүрүн исписэлииһэ Горбачев И.В., сүрүн исписэлиис Ляховенко И.Г., “Восточнай” КЦ инженерэ Иванов А. В., “Хабаровскай” ФГБУ ЦАС дириэктэрин солбуйааччы Рябец В.К., “Хабаровскай” ФГБУ ЦАС исписэлииһэ Третьяков А.А., “ВКП” НПО Машиностроения” АО отделын начаалынньыгын солбуйааччы Чаговец С.А., “ВКП” НПО Машиностроения” АО бэрэстэбиитэлэ Шаповалов В.Ю., Судаарыстыба экологияҕа кэтэбилин Бүлүүтээҕи иниспиэксийэтин старшай иниспиэктэрэ Колтовской А.И., Судаарыстыба экологияҕа кэтэбилин Бүлүүтээҕи иниспиэксийэтин начаалынньыгын солбуйааччы Степанов Е.Ю., СӨ «Быыһыыр сулууспатын» сүрүн исписэлииһэ Алексеев П.В., Бүлүү улууһун муниципальнай дьаһалтатын ЫБМ начаалынньыга Каратаев А.А., Бүлүү улууһун баһылыгын солбуйааччы Саввинов Н.В. бааллар.
Саха сиригэр пионерскай тэрилтэ төрүттэммит күнүнэн 1924 сыл олунньу 17 күнэ ааҕыллар. Бу күн Дьокуускайга…
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 …
Таатта улууһугар Таптал, Эрэл, Итэҕэл сылынан уонна Саха Өрөспүүбүлүкэтигэр "Ньургуһун" күнүнэн тыл үөрэхтээҕэ, биллиилээх литературнай…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга баран, олохтоохтор…
Казахстаан Өрөспүүбүлүкэтигэр Саха сирин күннэригэр саха норуотун ускуустубатын уонна култууратын көрдөрөр “Сокровище Якутии» быыстапка киэҥ…
Сааскы халаантан бу күннэргэ Нам уонна Өлүөхүмэ улуустара эмсэҕэлээтилэр. Баартыйа эрэгийиэннээҕи салаатын исполкомун салайааччыта Сулустаан…