Хаартыска РФ ЫБММ Саха сиринээҕи управлениетыттан
«Союз-2.1б» көтөр күнүгэр Саха сирин түөрт улууһун олохтоохторун нэһилиэнньэлээх пууннартан тахсыбаккытыгар сүбэлииллэр.
Союз-2.1б» «Восточнай» космодромтан олунньу 29 күнүгэр Москва бириэмэтинэн 08:43:26 көтөрө былааннанар. Аракыата тобохторо Алдан уонна Бүлүү улуустарын, ону сэргэ Өлүөхүмэ уонна Үөһээ Бүлүү улуустарын сиригэр-уотугар түһүөхтэрин сөп диэн иһитиннэриигэ этиллэр. Ыйыллыбыт улуустар олохтоохторун ойуурга сылдьыбаккытыгар сүбэлииллэр. Нэһилиэнньэлээх пуунартан тахсыбаккытыгар уонна сэргэх буоларгытыгар көрдөһөллөр.
Араас быһыы-майгы үөскээтэҕинэ эбэтэр быыһыыр дьаһаллары ылыы наадата тирээтэҕинэ, «112» эбэтэр 8 (4112) 45-90-19 — СӨ быыһыыр сулууспа суһал дьуһуурунай сулууспатыгар эрийэргитигэр сүбэлииллэр.
СӨ быыһыыр сулууспата нэһилиэнньэҕэ уонна сиргэ-уокка куттал суох буолуутун хааччыйар. Быыһааччылар тэриллибит бөлөхтөрө тэрилинэн уонна тиэхиньикэнэн толору хааччыллыбыттар. Атын биэдэмистибэлэри кытта бииргэ экологическай чинчийиилэри ыытыы, аракыата тобохторун харайыы үлэтэ былааннанан турар.
Улуустарга нэһилиэнньэҕэ куттал суох буолуутугар бары миэрэлэр ылыллаллар диэн иһитиннэрэр «СӨ быыһыыр сулууспа» ГБУ пресс-сулууспата.
Саҥа дьыл бырааһынньыгын иннинэ Саха сириттэн сылдьар байыаннай дьайыв байыастапа өрөспүүбүлүкэттэн Саҥа дьыллааҕы бэлэхтэри туттулар.…
Уһун кыһыҥҥы өрөбүллэр – үчүгэйдик сынньанар эрэ буолбакка, саҥаҕа холонон көрөргө, доруобуйаны чөлүгэр түһэрэргэ уонна…
Сунтаар сэлиэнньэтигэр биэс киһи өлбүтүнэн «икки уонна онтон элбэх киһини сэрэҕэ суохтан өлүүгэ тиэрдии» диэн…
Арассыыйаҕа бигэргэтиллибит халандаарынан, 2026 сылга биһигини 28 бырааһынньык уонна өрөбүл күннэрэ күүтэллэр. Саҥа дьыллааҕы өрөбүллэр…
2026 сыл хайдах буолуоҕун билгэһит, көрбүөччү Татьяна Захарова-Татыйык кэпсиир: — Моҕой сыла бүтэн эрэр, аны кыһыл…
Август Егоров салайааччылаах «Айар» национальнай кыһа генеральнай дириэктэрин солбуйааччы, суруйааччы, СӨ култууратын үтүөлээх үлэһитэ, СӨ…