Аракыата тобохторо Алдан, Үөһээ Бүлүү, Бүлүү уонна Өлүөхүмэ улуустарыгар түһүөхтэрэ

Космическай аппараттары көтүтүү тургутууларын ыытар судаарыстыбаннай хамыыһыйа быһаарыытынан, «Восточнай» космодромтан «Союз-2-1а» аракыата-носитель 2025 сыл от ыйын 25 күнүгэр олохтоох бириэмэнэн 14:54 чааска ыытыллыахтаах сүрүн күнэ быһаарылынна, диэн Бүлүүтээҕи ЕДДС иһитиннэрэр.

Аракыата киин блогун уонна кутуругун быһаҕаһа түһэр сирдэринэн Алдан, Үөһээ Бүлүү, Бүлүү уонна Өлүөхүмэ улуустарын сирдэрэ буолаллара быһаарылынна.

Онон аракыата тобохторо түһэр улуустар олохтоохторо бу кэмҥэ  ойуурга уонна уулаах сиргэ сылдьартан туттуналларыгар көрдөһөллөр.