Арассыыйаҕа WhatsApp* үлэтин тохтотуу үрдүктүк сабаҕаланар диэн иһитиннэрдилэр

Ахсынньы 19 күнүгэр Роскомнадзор WhatsApp* (принадлежит компании Meta, которая признана в России экстремистской и запрещена) Арассыыйаҕа (экстремистскэй уонна бобуллубут) иһитиннэриилэри тарҕатыыны тэрийээччилэр реестригэр киллэрдэ.

Мантан инньэ WhatsApp* (бассаап) туһанааччылар уонна суруйсуулар туһунан иһитиннэриилэри харайар, ону тэҥэ ФСБ уонна да атын боломуочунайдаахтар көрдөһүүлэринэн дааннайдары биэрэр эбээһинэстэнэр. Бу иннинэ бассаап Арассыыйа туһанааччыларын туһунан дааннайдарын хомуйартан аккаастанан икки төгүл ыстарааптаммыта. Судаарыстыбаннай Дуума ИТ-кэмитиэтигэр «Парламентская газета» суруналыыстарыгар үлэтин тохтоллоро үрдүктүк сабаҕаланарын кэпсээтилэр. Билигин сиэрбис быраабы араҥаччылыыр уорганнары кытта хайдах да хардарыта сибээстэспэт, онон хааччахтанар кыаҕа балай да улааппыт. Ол эрээри, бу быһаарыы хампаанньа салалтата салгыы хайдах быһаарыы ылынарыттан тутулуктанар.

«Сиэрбиһи туһанан экстремистскэй уонна террористическай тэрилтэлэр үлэлииллэр», -диэн Судаарыстыбаннай Дуумаҕа Информационнай бэлиитикэҕэ, информационнай технологияларга уонна сибээскэ кэмитиэтин бэрэссэдээтэли солбуйааччы Олег Матвейчев кэпсээтэ. Кини этэринэн,  террористар чуолаан бу сиэрбис нөҥүө суруйсубуттара биллэр.