Арассыыйа 2030 сылга 1000-ттан тахса сөмөлүөтү оҥорон таһаарыаҕа

2030 сылга Арассыыйаҕа 1000-ттан тахса сөмөлүөтү уонна улахан кыамталаах икки контурдаах турбовентиляторнай двигатели оҥорон таһаарар былаан баарын туһунан РФ Бэрэсидьиэнэ Владимир Путин быһа лииньийэ кэмигэр иһитиннэрдэ.

«Салгын суудунатын паарката омук дойдулара оҥорон таһаарбыт сөмөлүөттэринэн толору турар. Бэйэбит дойдубутугар сөмөлүөтү оҥорон таһаарыыны сайыннырыахха наада. 2030 сылга 1000-ттан тахса сөмөлүөтү оҥорор былаан баар. Бу — МС-21 сөмөлүөт. Өссө ПД-35 двигатели оҥорорго ылсыахха наада», — диэтэ Путин.