Арассыыйа 27 тыһыынча үөрэнээччитэ дойдуларын туһунан кэпсиэхтэрэ

Арассыыйа 27 тыһыынча үөрэнээччитэ дойдуларын туһунан кэпсиэхтэрэ

21.11.2022, 19:27
Бөлөххө киир:

 Бырайыак куонкурус быһыытынан барар, манна барыта 89 эрэгийиэнтэн 27 тыһыынча үөрэнээччи кыттар.

Куонкурус быраабылатын быһыытынан, оҕолор бэйэлэрин төрөөбүт дойдуларын туһунан кэпсээни видеоҕа устан ыытыахтаахтар.
Быйыл саамай көхтөөхтөрүнэн Донецкай норуодунай өрөспүүбүлүкэ оҕолоро буоллулар – 4 805 киһи куонкурус саайтыгар бэлиэтэммит.
Бу куонкурус быйыл үһүс төгүлүн ыытыллар, ааспыт иккигэ 17 тыһыынча оҕо кыттыбыта. Ол курдук сыл аайы кыттааччы элбээн, эрэгэйиэн кэҥээн иһэр. Быйыл партнердарынан РФ Култуураҕа министиэристибэтэ, Үөрэхтээһин министиэристибэтэ, Арассыыйа ыччата хамсааһын, «Билии» уопсастыба, «Сириус» үөрэхтээһин киинэ, о.д.а. общественнай тэрээһиннэр, холбоһуктар буолаллар.
«Бу бырайыакка интэриэс үрдээһинэ – оҕолорбут дойдубут култуурунай, этническэй уонна географическай уратыларын үөрэтиигэ, билэ-көрө сатыырга итиэннэ патриотизм тиэмэтигэр интэриэстээхтэрин туоһутунан буолар. Куонкурус дойду бары эрэгийиэннэриттэн оҕолору түмпүтэ ордук сыаналанар», – Ил Дархан Айсен Николаев санаатын үллэһиннэ.
Санатан эттэххэ, маннык киэҥ хабааннаах куонкурус Саха Өрөспүүбүлүкэтин эдэр актыбыыстарын көҕүлээһининэн тэриллибитэ. Быйылгы куонкуруска оҕолор дойдуларын ааттатар, киэн туттар биир дойдулаахтарын, олорор сирдэрин историятын итиэннэ аныгы ситиһиилэр тустарынан устаннар ыыттылар. Маныаха тэрийээччилэр эбии уон номинацияны олохтоотулар. Видео-устуулары бу дьыл сэтинньи 27 күнүгэр диэри ылыахтара.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
15 апреля
  • -13°C
  • Ощущается: -13°Влажность: 61% Скорость ветра: 1 м/с

Сообщить об опечатке

Текст, который будет отправлен нашим редакторам: