Арассыыйа 700 тыһыынча кэриҥэ үөрэнээччитэ «Ближе к Дальнему» олимпиадаҕа кытта сылдьар

VII Бүтүн Арассыыйатааҕы «Ближе к Дальнему» олимпиада бастакы түһүмэҕэ түмүктэннэ.

РФ Уһук Илини уонна Арктиканы сайыннарыыга министиэристибэтин пресс-сулууспата иһитиннэрэринэн, онно 1-11 кылаас үөрэнээччилэрин уонна анал үөрэх тэрилтэлэрин 1-2 кууруһун (9-с кыл. кэннэ үөрэхтэр) устудьуоннарын рекорднай ахсааннара кытынна. Бүгүҥҥү күҥҥэ олимпиадаҕа кыттарга 689 тыһыынчаттан тахса киһи араас субъектартан регистрацияламмыт. Олор ортолоругар Уһук Илин федеральнай уокуругун эрэгийиэннэриттэн 80 тыһыынча кэриҥэ үөрэнээччи баар.

«Ближе к Дальнему» олимпиада тэрийээччилэринэн Уһук Илин уонна Арктика сайдыытын корпорацията (КРДВ), Уһук Илиннээҕи федеральнай университет (ДВФУ) уонна Учи.ру үөрэх платформата буолаллар.

Уһук Илин уонна Арктика сайдыытын корпорациятын социальнай сайдыыга толорор дириэктэрэ Гасан Гасанбалаев: «Олимпиада саамай үгэнэ. Ол эрээри бүгүн, саамай элбэх рекорднай ахсааннаах киһи регистрацияламмыта устуоруйаҕа киириэҕэ диэн этиэххэ сөп. Быйыл «Ближе к Дальнему» олимпиадҕа ааспыт сыллары кытары тэҥнээтэххэ 4 төгүл элбэх үөрэнээччи уонна устудьуон кыттар. Сыыппара улахан, ол эрээри кини Арассыыйа Бэрэсидьиэнэ, Бырабыыталыстыбата Уһук Илиҥҥэ уонна Арктикаҕа болҕомтолорун улаханын көрдөрөр».

Гасан Гасанбалаев ону тэҥэ олимпиадаҕа элбэх кыттааччылаах 5 бастыҥ эрэгийиэни бэлиэтээтэ:

— Приморскай кыраай – 34 777 кыттааччы;
— Кемеровскай уобалас – 29 381 кыттааччы;
— Московскай уобалас – 23 930 кыттааччы;
— Челябинскай уобалас – 23 561 кыттааччы;
— Свердловскай уобалас – 18 468 кыттааччы.

Иккис түһүмэх Учи.ру платформаҕа 2024 с. кулун тутар 5-9 күннэригэр ыытыллыа. Онно 8-11 кылаас үөрэнээччилэрэ уонна анал үөрэх тэрилтэлэрин 1-2 кууруһун устудьуоннара кыттыахтара. Оттон үһүс түһүмэххэ олимпиада суперфинала Уһук илин федеральнай университетын баазатыгар 2024 с. муус устар 16-22 күннэригэр ыытыллыа.