Бэҕэһээ, алтынньы 3 күнүгэр, Судаарыстыбаннай Дуума Донецкай, Луганскай Народнай Өрөспүүбүлүкэлэр, Запорожье, Херсон уобаластара Арассыыйаҕа киирэллэрин туһунан дуогабардарын күүһүгэр киллэрдэ, туһааннаах федеральнай сокуоннары ылыннылар.
Санатан эттэххэ, бу түөрт эрэгийиэннэр салалталара балаҕан ыйын 30 күнүгэр РФ бэрэсидьиэнэ Владимир Путины кытары дуогабар баттаспыттара. Бу докумуоннары дьокутааттар бары биир киһи курдук куоластаан бигэргэттилэр. Онон Арассыыйаҕа өссө түөрт эрэгийиэн эбиллэн, билигин дойдубут 89 субъектанна.
– Арассыыйа Федерацията 89 субъектанна. Саҥа киирбит эрэгийиэннэр бу кэми отучча сыл кэтэстилэр, – диэн бэлиэтиир Судаарыстыбаннай Дуума бэрэссэдээтэлэ Вячеслав Володин.
Судаарыстыбаннай Дуума дуогабардары бигэргэтиитин таһынан түөрт федеральнай конституционнай сокуоннары ылыннылар. Бу маннык сокуоннар 2014 сыллаахха Крым Өрөспүүбүлүкэтэ уонна Севастополь куорат Арассыыйа састаабыгар киирэллэригэр ылыныллыбыттара.
ДНӨ, ЛНӨ, Запорожье, Херсон эрэгийиэннэрин олохтоохторо сотору кэминэн Арассыыйа пааспарын ылыахтара. Арассыыйа сокуоннарыгар көһүү 2026 сылга диэри барыаҕа. Оттон сири-уоту, дьиэни Арассыыйа докумуонугар көһөрүү 2028 сылга диэри салҕанан барыаҕа. Эһиилгиттэн федеральнай толорор былаас уорганнара тэриллиэхтэрэ. Ону сэргэ 2026 сылга диэри прокуратура, суут киириэҕэ. Алта ый иһинэн муниципальнай тэриллиилэр кыраныыссалара быһаарыллыаҕа.
Сокуоннарга этиллэринэн, саҥа бүддьүөт бу түөрт эрэгийиэҥҥэ 2023 сыл тохсунньу 1 күнүттэн киириэҕэ. Ахсынньы 15 күнүгэр диэри саҥа эрэгийиэннэр бүддьүөттэрин сокуона тахсыаҕа. Эрэгийиэннэргэ тута солкуобайынан төлөһүү систиэмэтэ киириэҕэ, ол эрээри бу сыл бүтүөр диэри Украина харчытынан төлөһө олоруохтарын сөп.
РФ бэрэсидьиэнэ Владимир Путин балаҕан ыйын 30 күнүгэр иһитиннэрбит этиититигэр Украина сэриитин бу түөрт эрэгийиэнтэн таһаара охсоругар модьуйбута. ДНӨ, ЛНӨ, Запорожье, Херсон эрэгийиэннэригэр баар байыаннай уорганнары барытын РФ Сэбилэниилээх күүстэригэр холбуохтара. Ону таһынан сокуоҥҥа Запорожье уобалаһыгар атомнай энергияны куттала суох туттуу усулуобуйата эбии киирэн биэрбит. Санатан эттэххэ, манна Европаҕа саамай улахан атомнай станция турар.
Сайыҥҥы уһун сынньалаҥнар кэннэ үлэ, үөрэх дьыла саҕаланыыта дьиэ кэргэн бүддьүөтүгэр улахан хамсааһын тахсар. Маныаха…
Өлүөхүмэ улууһугар 44 саастаах эр киһи матасыыкылынан айаннаан иһэн сылгыны кытта харсыспыт. Ол түмүгэр суоппар…
Бүгүн Доҕордоһуу болуоссатыгар куорат 393 сылыгар аналлаах Оһуокай үрдүк таһымнаахтык ыытылынна. [gallery ids="241612,241622,241621,241620,241619,241618,241617,241616,241615,241614,241613,241610,241611"] Оруобуна 1…
Дьокуускай куорат күнүн көрсө мээр Евгений Григорьев суруналыыстары мунньан пресс-конференция ыытта. Тэрээһин быйыл күһүн үлэҕэ…
Ханнык баҕарар норуокка инники сайдыыны быһаарар күүһүнэн дойдуларын туһугар күүскэ, бэриниилээхтик үлэлии сылдьар, сайдыы суолун…
Үөрэх үгүс кыһаларыгар оҕолор икки ардыларыгар араас сыһыан баар буолар. Доҕордоһуу, кэпсэтии, тэрээһиннэргэ кыттыы, ону…