Владивостокка ыам ыйын 25-27 күннэригэр “Арассыыйа айар эйгэтин нэдиэлэтэ – Уһук Илин” («Российская креативная неделя – Дальний Восток») пуорум ыытыллыаҕа. Тэрээһиҥҥэ ким баҕалаах кыттыаҕын сөп.
Пуорум сыала-соруга – бэйэ толкуйунан, айар дьоҕурунан, сатабылынан бородууксуйаны оҥоруу индустриятын дойду үрдүнэн сайыннарыы, уопуту атастаһыы, бу хайысхаҕа дойду экэниэмикэтин, билимин, технологическай кыахтарын туһулааһын буолар.
Тэрээһин биэс былаһаакканан «Океан» киинэтыйаатырга ыытыллыа. Маны сэргэ ураты бырайыактар уонна култуура тэрээһиннэрэ куорат атын да миэстэлэригэр тэриллиэхтэрэ. Пуорум чэрчитинэн манна дойду уонна эрэгийиэн таһымнаах креативнай диэн ааттанар эйгэтигэр үлэлиир урбаан тэрилтэлэрэ түмсэн биисинэстэрин уопутун атастаһыахтара.
”Пуорум соруга – айар көхтөөх, талааннаах дьулуурдаах дьоммутугар кинилэр айар кыахтарын олоххо киллэриилэригэр көмөлөһүү, кэскиллээх бырайыактарга болҕомтону туһаайыы, кинилэр кыаҕырыыларыгар тирэх буолуу, билигин бара турар саҥа гуманитарнай хамсааһыны уонна айар эйгэ араас хайысхаларыгар эбии кыахтары үөскэтиини уонна Илин диэки хайыһыыны күүһүрдүү”, — диэн РФ Уһук Илини уонна Аартыканы сайыннарыыга миниистирэ Алексей Чекунков бэлиэтиир.
Сиһилии тэрээһин туһунан бу сыылканан көрүөххүтүн сөп.
СӨ Борокуратуурата иһитиннэрбитинэн, былырыын бэс ыйыгар 33 саастаах Дьокуускай куорат олохтооҕо тиэргэҥҥэ турар «КАМАЗ-5410» массыынаттан…
Дьокуускайга элбэх кыбартыыралаах дьиэлэргэ сылааһы биэрии 100% хааччылынна. Бу туһунан Дьокуускай куорат баһылыгын солбуйааччы Владислав…
Хоту көһөрүллүү күнүн бэлиэтиир тэрээһиннэр чэрчилэринэн, Чурапчыга “Айылгы” НАДь фойетыгар Саха сиригэр соҕотох баталист-худуоһунньук Иван…
СӨ Быыһыыр сулууспата иһитиннэрбитинэн, балаҕан ыйын 17 күнүгэр 21.15 ч. Дьокуускай куоракка Сайсары күөлгэ 2000…
Амма сэлиэнньэтигэр Мир уулуссаҕа таба киирэн олохтоохтору соһутта. Туһааннаах видео бу күннэргэ социальнай ситиминэн тарҕанна.
"Путь воина" байыаннай-тактическай күрэхтэһиигэ бэҕэһээ Волгоградскай уобалас «Сталинград» уонна Тюменьскай уобалас «Соболь» хамаандалара күөн көрүстүлэр.…