Арассыыйа баанын филиала 200 тыһ. солк. суумаҕа ыстарааптанна

Суут бириистэптэрин Саха сиринээҕи управлениета биир Арассыыйа баанын филиалын  иэстээх дьону кытта үлэҕэ быраабылатын кэһиини таһаарбытынан 200 тыһыынча солкуобайга ыстарааптаата.

Бэрэбиэркэ түмүгүнэн, баан үлэһиттэрэ маассабайдык түүннэри-күнүстэри эрийбиттэр уонна иэс сууматын туһунан биллэрбэтэхтэр.

Ол курдук, аҥардас биир иэстээх киһи үс нэдиэлэ иһигэр 228 кэриҥэ SMS туппут – бу сууккаҕа быһа холоон 11 SMS курдук буолар. Итини кытта түүҥҥү кэмҥэ эрийбиттэр, килийиэн иэһин туһунан атын дьоҥҥо биллэрбиттэр, иэс харчы чопчу сууматын ыйбатахтара бэлиэтэммит. Олохтоох киһи итинник быһыыны тулуйбатах уонна дьыаланы суут көрүүтүгэр биэрбит. Бу дьыаланан бириистэптэр  бэрэбиэркэ ыыппыттар уонна буруйдааҕы ыстараптаабыттар.

Баан административнай ыстатыйанан 200 тыһыынча солкуобайга ыстарааптанна.