Арассыыйа Бэрэсидьиэнэ Иван Луцканы Пирогов уордьанынан наҕараадалаата

Владимир Путин Саха сиринээҕи офтальмологическай балыыһа сүрүн бырааһын Иван Луцканы Пирогов уордьанынан наҕараадаланарын туһунан Ыйаахха илии баттаата.

«Доруобуйа харыстабылыгар кылаатын уонна өр сыллаах үтүө суобастаах үлэтин иһин Саха Өрөспүүбүлүкэтин офтальмологическай балыыһатын сүрүн бырааһын Иван Петрович Луцканы Пирогов уордьанынан наҕараадалыырга», — диэн судаарыстыба баһылыгын Ыйааҕар суруллар.

Иван Луцкан 2020 сылтан Өрөспүүбүлүкэтээҕи офтальмологическай балыыһа сүрүн бырааһынан үлэлиир.