Хаартыска Екатерина Штукина (РИА Новости)
Сарсын, ол эбэтэр ыам ыйын 7 күнүгэр Арассыыйа Бэрэсидьиэнэ Владимир Путин солотугар киирэр сиэрэ-туома ыытыллыа. Инаугурация Москва бириэмэтинэн 12:00 чаастан саҕаланыаҕа уонна чаас курдук барыаҕа. Ону федеральнай ханааллар: Бастакы ханаал, «Россия 1», НТВ, о.д.а. быһа эпииргэ көрдөрүөхтэрэ диэн ТАСС иһитиннэрэр.
Оттон Бэрэсидьиэн солотугар киирэр тэрээһинэ ааспыт 2018 сыл ыам ыйын 7 күнүнээҕи курдук, Кириэмил улахан дыбарыаһын Андреевскай саалатыгар ыытыллыа. Арассыыйа Бэрэсидьиэнэ солотугар киирэр быйылгы тэрээһинэ уруккуттан уратылаах буолуо диэн бэрэсидьиэн пресс-сэкирэтээрэ Дмитрий Песков эппитин РИА-Новости иһитинэрэр. Ол эрээри сүрүн чааһа үгэскэ олоҕурбут бырагырааманан барара сабаҕаланар.
Үөрүүлээх сиэр-туом кэмигэр Владимир Путин Конституцияҕа илиитин ууран бэһис төгүлүн Арассыыйа элбэх ахсааннаах норуотун иннигэр андаҕар тылын этиэҕэ, ол кэнниттэн солотугар киириэҕэ. Ол кэннэ бар дьонугар бэйэтин санаатын, сыалын-соругун этиэҕэ. Итинтэн ыла кини саҥа алта сыллаах Бэрэсидьиэнниир болдьоҕун үлэтэ ааҕыллыаҕа. Бэрэсидьиэн андаҕар тыл кэннэ дуоһунаһыгар официальнайдык киирэр.
Салгыы Конституционнай суут бэрэссэдээтэлэ судаарыстыба баһылыгар былаас ураты бэлиэлэрин туттарыа. Сонно тута саалаҕа Арассыыйа өрөгөйүн ырыата тыаһыаҕа, оттон Кириэмил үрдүнэн штандарты көтөҕүөхтэрэ.
Инаугурация Собуор болуоссатыгар артиллерийскай салюту ытыынан түмүктэниэҕэ. Москва уонна Бүтүн Арассыыйа Патриарха Кирилл Благовещенскай собуорга мэлиибэн ааҕыаҕа.
Дойду бэлиэ тэрээһинин ыалдьыттарынан Бырабыыталыстыба, Федеральнай Мунньах, Госдуума чилиэннэрэ, ону тэҥэ Бэрэсидьиэн дьаһалтатын салайааччылара, Аҕа дойду, Арассыыйа Дьоруойдара, Конституционнай суут судьуйалара, Киин быыбардыыр хамыыһыйа, дипломатическай куорпус, уопастыбаннас бэрэстэбиитэллэрэ, култуура диэйэтэллэрэ, учуонайдар, спортсменнар уо.д.а. буолуохтара.
Итини таһынан бу күн дойду Төрүт сокуонугар олоҕуран, премьер-миниистир салайааччылаах дойду бырабыыталыстыбатын боломуочуйата тохтуур. Туһааннаах дьаһал инаугурация ыытыллар күнүгэр бигэргэнэр. 2020 сылга Арассыыйа олохтоохторун куоластааһыннарынан ылыллыбыт Конституцияҕа киирбит уларытыылар РФ Судаарыстыбаннай Дууматын уонна Федерация Сэбиэтин миниистирдэрин саҥа кэбиниэттэрин таҥарга оруолун күүһүрдүбүтэ. Онон Госдуума РФ Бырабыыталыстыбатын Бэрэссэдээтэлин кандидатуратын бигэргэтэр бырааптаммыта.
Санатан эттэххэ, Владимир Путин инаугурациялара, үгэс быһыытынан ыам ыйын 7 күнүгэр, бастакыта – 2000 с., иккиһэ – 2004 с., үсүһэ – 2012 с., төрдүһэ 2018 с. буолбуттара.
Саха сирэ “Дьоҕус уонна орто биисинэс уонна урбаанньыт тус көҕүлээһинин өйөөһүн” национальнай бырайыакка 2019 сылтан…
Сана үйэҕэ эргиэн үлэтигэр саҥа саҕалааһыннар кэрэхсэбиллээхтэр. Урукку кэмҥэ атыы-тутуу, эргиэн эйгэтигэр "Холбос" биир тэрилтэтэ…
«Оҕо аймаҕы үрдүккэ, сырдыкка, төрөөбүт дойдуга бэриниилээх буоларга сирдээбит "Мэлдьи бэлэм буол!" диэн тумус тыллаах…
Ыам ыйын 15 күнүгэр Дьиэ кэргэн аан дойдутааҕы күнүн бэлиэтээтибит. Онон бүгүн айанньыт, орнитолог, фотограф,…
Нам улууһугар Арбын уонна Түбэ сэлиэнньэлэрин икки ардыларыгар муус дьапталҕатын эстэрии ыытыллыбыта түмүктэри аҕалла. Онно…
Психолог сүбэтэ Ксения Ивашковская – Психоневрология өрөспүүбүлүкэтээҕи диспансерын килиниичэскэй психолога, дьиэ кэргэн психолога, консультант,…