Хаартыска: Ид Дархан телеграм ханаалыттан.
Бүгүҥҥүттэн Дьокуускайга суон сураҕырбыт “Муус устар” ыччат бэстибээлэ саҕаланна. Дойду Бэрэсидьиэнэ бэйэтинэн эҕэрдэтин ыыппыт. Бу туһунан Ил Дархан Айсен Николаев тус телеграм-ханаалыгар суруйар.
— Саха сирэ уонна бүтүн Уһук Илин киэн туттар “Муус устар” ыччат бэһис бэстибээлин олоҕурбут көрүҥүнэн ыытыллар сүүмэрдиир түһүмэҕэ саҕаланна!
Өрөспүүбүлүкэ киин куоратыгар муниципальнай сүүмэрдээһини ситиһиилээхтик ааспыт үс тыһыынча кэриҥэ кыттааччы бэйэтин туһунан биллэрэ, талаанын көрдөрө уонна ыччат чахчы инники кэм олоҕун хамсатар күүс буоларын итэҕэтэ мустуоҕа.
Бэстибээл кыттыылаахтарын Арассыыйа Бэрэсидьиэнэ Владимир Владимирович Путин эҕэрдэлээтэ. Дойду баһылыга “Муус устар” көннөрү бэстибээл буолбатаҕын, талааннаах, сыал-сорук туруоран кимиилээхтик иннин диэки дьулуһар, бэйэтин көҕүлээһиннэринэн уонна дьыалатынан төрөөбүт дойдутун сайыннарарга бэлэм эдэр дьону түмэр ураты уопсастыбаннай, култуурунай тэрээһин буоларын бэлиэтээтэ.
Бэстибээл Саха сирин “визитнай карточкатынан”, ыччат лидердэрин, патриотизм уонна сомоҕолоһуу бэлиэтинэн буолла. Номнуо кулун тутар 22 күнүгэр биһигини түмүгү таһаарар үөрүүлээх тэрээһин күүтэр. Саамай сүрүнэ, бу – ураты уопут, доҕордоһуу уонна кыттааччылар өйдөрүгэр-санааларыгар букатыннаахтык хаалар умнуллубат түгэннэр.
“Муус устар” – киэн туттуу, талаан, күүс! – диэн Ил Дархан телеграм ханаалыгар санаатын үллэстэр.
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…