Владимир Путин Саха сирин олохтоохторун наҕараадалаата

Арассыыйа Бэрэсидьиэнэ Владимир Путин Ыйааҕынан Саха сирин олохтоохторо үрдүк наҕарааданан бэлиэтэннилэр, ол иһигэр аан бастакытын өрөспүүбүлүкэ култууратын үлэһитигэр «Култуура уонна ускуустуба сайдыытыгар өҥөлөрүн иһин» уордьанын туттардылар.

Бу туһунан Ил Дархан уонна Бырабыыталыстыба пресс-сулууспата иһитиннэрэр. Үөрүүлээх сонун дойдуну биир гына тилийэ көттө. «Култуура уонна ускуустуба сайдыытыгар үтүөлэрин иһин» уордьанынан Эдэр көлүөнэ тыйаатырын уус-уран салайааччыта Алексей Павлов наҕараадаланна.

Дьиэ кэргэн уонна оҕо аймах институтун бөҕөргөтүүгэ уонна оҕолорун иитиигэ өҥөлөрүн иһин «Төрөппүт килбиэнэ» уордьанынан Чурапчы оройуонуттан Елизавета уонна Андрей Янценнар дьиэ кэргэттэригэр тигистэ. Уордьан сыл ахсын сэттэ уонна онтон элбэх оҕону иитэн таһаарбыт Арассыыйа араас эрэгийиэннэрин дьиэ кэргэттэригэр туттарыллар.

«РФ физическэй култууратын үтүөлээх үлэһитэ» Бочуоттаах аат Сунтаар оройуонун «Сунтаарым – мин дойдум» социальнай-экэнэмиичэскэй сайдыытыгар көмө оҥорор уопсастыбаннай тэрилтэ чилиэнэ, Арассыыйа Дьоруойа Филипп Евсеев тиэриэньэрэ Алексей Максимовка иҥэрилиннэ.