Арассыыйа бэрэсидьиэнин сорудахтарынан үлэ тиһиктээхтик ыытыллар

Арассыыйа бэрэсидьиэнэ Владимир Путин 2024 сыл бэс ыйын 18 күнүгэр өрөспүүбүлүкэ киин куоратыгар оробуочай сырыытынан кэлэ сылдьан биэрбит сорудахтарын толоруу туһунан Ил Дархан быһа эпииргэ бэлиэтээтэ.

“РФ Бэрэсидьиэнэ Владимир Путин Саха сиригэр кэлэ сылдьан биэрбит сорудахтара үгүс өттүнэн Уһук Илиҥҥэ уонна Арктикаҕа сыһыаннаахтар. Олортон үгүстэрэ хамнас уонна нолуок өттүгэр  олоххо киирдилэр. Сорохторо сотору үлэҕэ киирэхтэрэ.  Саха сиригэр муусука үрдүкү оскуолатын кампуһун тутуу саҕаланна. 2026 сылга үлэҕэ киллэрэр соруктаахпыт. Креативнай индустрияны сайыннарыыга эмиэ тэтимнээх үлэ барар, — диэн бэлиэтээтэ  Ил Дархан Айсен Николаев.