РИА-сонуннара
От ыйын 17 күнүттэн Арассыыйа Хара муоранан “бурдук” таһыытын тохтотто. Бу туһунан киин бэчээккэ РФ бэрэсидьиэнин пресс-сэкирэтээрэ Дмитрий Песков иһитиннэрдэ.
Хара муоратааҕы дуогабардаһыы бүгүҥҥүнэн тохтоото. РФ бэрэсидьиэнэ Владимир Путин бу дуогабар болдьоҕо от ыйын 17 күнүгэр бүтэр диэн эрдэ иһитиннэрэн турар. Хомойуох иһин, дуогабарга Арассыыйа туһунан этиллибит пууннар толоруллубатылар. Онон бу дуогабары уһатар суолтата суох”, — диэн этэр Дмитрий Песков.
Санатан эттэххэ, былырыын бэс ыйыгар Арассыыйа, Украина, Турция уонна Хобоһуктаах Нациялар Тэриллиилэрэ Стамбулга көрсөн, бурдугу, мас арыытын, тыа хаһаайыстыбатыгар туттуллар араас уоҕурдууну Хара муоранан мэһэйэ суох ыытыы туһунан түөрт өрүттээх дуогабар баттаспыттара. Бу дуогабар сэтинньигэ, кулун тутарга уонна ыам ыйыгар уһатылла сылдьыбыта. Ол эрээри күн бүгүҥҥэ диэри Арассыыйа туһатыгар суруллубут пууннар толоруллубатылар.
“Бу дуогабарга Арассыыйа туһунан этиллибит пууннар толорулуннахтарына, Арассыыйа бу дуогабары салгыы ыытыаҕа”, — диэн иһитиннэрэр Дмитрий Сергеевич.
Ыспыраапка быһыытынан эттэххэ, Арассыыйа уонна Украина бурдугунан, мас арыытынан, тыа хаһаайыстыбатыгар туттуллар араас уоҕурдуунан Хара муоранан тас дойдулары үгүстэрин хааччыйа олорбута. Былырыыҥҥыттан аан дойду бу табаардарга кырыымчыгыран, манна улахан боппуруос турбута. Ордук кыра дохуоттаах дойдулар оҕустарбыттара. Ол эрээри Холбоһуктаах Нациялар Тэриллиилэрин аска-үөлгэ туһуламмыт бырагырааматынан, кыра дохуоттаах дойдуларга бу табаардары таһар 400 суудунаттан баара-суоҕа биэһэ эрэ тиийбит. Хара муоранан таһыллыбыт бурдуктан, кукурузаттан бу дойдулар үс эрэ бырыһыанын тутан хаалбыттар, баһыйар үгүс өттө арҕааҥҥы дойдуларга барбыт.
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…
Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө…
Өспөххө "Кубок знатоков наслега" бырайыак быйылгы оонньуута түмүктэннэ. Бу күн түөртүү киһилээх 6 хамаанда бары…
Аҕа дойду уоттаах сэриитин бэтэрээнин, Саха сирин Бочуоттаах олохтооҕун, 101 саастаах Наум Трифонович Слепцову кэлэн…