Мария Ваксильева хаартыската, СИА.
Сарсын, атырдьах ыйын 22 күнүгэр, Арассыыйа былааҕын күнүн бэлиэтиибит. Бу дойду дьоһун суолталаах күнүн көрсө Дьокуускай куорат дьаһалтатын Уопсастыбаннай сибээстэргэ уонна ыччат бэлиитикэтигэр управлениета кэккэ тэрээһиннэри бэлэмнии сылдьар.
Ол туһунан управление начаалынньыга Андрей Михайлов билиһиннэрэр:
— Арассыыйа былааҕын күнэ дойдубут хас биирдии олохтооҕор дириҥ суолталаах күнүнэн буолар. Былаах – судаарыстыба бэлиэтэ, хас биирдиибит ытыктыы-сүгүрүйэ сыһыаннаһыахтаахпыт. Биһиги сорукпут диэн, ыччат Арассыыйа былааҕын күнүн суолтатын билиэхтээх, дойдутун ытык бэлиэтинэн киэн тутта, үрдүктүк тута сылдьарыгар иитиэхтээхпит.
Арассыыйа былааҕын күнүн көрсө кэккэ тэрээһиннэр хайыы-үйэ саҕаламмыттара. Атырдьах ыйын 13-26 күннэригэр куорат бибилэтиэкэлэригэр оҕолорго, устудьуоннарга аналлаах кинигэ быыстапкалара, бибилэтиэчнэй уруоктар, аахсыйалар буола тураллар.
Атырдьах ыйын 16-18 күннэригэр Национальнай художественнай түмэлгэ уонна Афанасий Осипов хартыыналаах галереятыгар айар дьарыктаныылар ыытыллыбыттара.
Сарсын, атырдьах ыйын 22 күнүгэр, сарсыарда 10 чааска “Бүтүн Арассыыйатааҕы “Триколор” аахсыйанан ыччаттар Чочур Мыраан 7 км. тахсан, 20х30 м. иэннээх Арассыыйа былааҕын күөрэччи көтөҕөн көрсүөхпүт.
10 ч.-12 ч. “Арассыыйа – Мин устуоруйам” пааркаҕа “Аҕа дойдуну көмүскээччилэр” пуонда филиалын быыстапката аһыллыа, “Арассыыйа сиимбэллэрэ” киинэни көрдөрүөхтэрэ, биктэриинэ, маастар-кылаастар ыытыллыахтара.
12 чаастан Комсомольскай болуоссаттан автопробег саҕаланыаҕа.
12 ч.-13 ч. Орджоникидзе болуоссатыгар Арассыыйа былааҕар аналлаах бырааһынньыктааҕы кэнсиэр ыытыллыаҕа.
13.00-13.30 ч. “Держава былааҕа – албан аат сиимбэлэ” диэн девизтээх 9 миэтирэлээх былааҕы болуоссакка өрө тутуохпут, флажоктары түҥэтиэхпит, флеш-моб үҥкүүлүөхпүт, харысхаллары оҥорууга маастар-кылаастар буолуохтара.
Бу тэрээһиннэр барыта ыччакка ананан ыытыллаллар. Биһиэхэ элбэх уопсастыбаннай тэрээһиннэр көмөлөһөллөр: Ыччат лигата, «Молодежка» Арассыыйа норуодунай фрона, куорат баһылыгын иһинэн үлэлиир ыччат дьаһалтата, Дьокуускай к. ыччатын парламена, уокуруктар уонна кытыы бөһүөлэктэр ыччакка сэбиэттэрэ. Маны таһынан Арассыыйа былааҕын күнүн куорат уокуруктарыгар уонна кытыы бөһүөлэктэригэр киэҥник бэлиэтиэхтэрэ.
Байыаннай дьайыыга кыттар байыастары уонна кинилэр дьиэ кэргэттэрин өйөөһүн – өрөспүүбүлүкэ былааһын сүрүн соруга. Бу…
Саха сиригэр быйылгы тутуу сезонугар суол-иис өрөмүөнүн үлэтэ киэҥ далааһыннаахтык бара турар. Бу үлэлэр былаантан…
Өрөспүүбүлүкэҕэ оттооһун үлэтэ былаан быһыытынан бара турар, кыстыкка киириигэ ыарахаттар күүтүллүбэттэр. Бу туһунан Ил Дархан…
Саха сиригэр быйыл ойуур баһаардарынан ыксаллаах-быһыы майгы эрэсиимэ биллэриллибэтэ. Бу туһунан Ил Дархан Айсен Николаев…
Атырдьах ыйын 22 күнүгэр, РФ Судаарыстыбаннай былааҕын күнүгэр, Дьокуускай телебашнята РФ судаарыстыбаннай былааҕын өҥүнэн сандаарыаҕа.…
Сибиирдээҕи федеральнай уокурук эрэгийиэннэригэр күүстээх сөҥүү түһүөҕэ, оттон Саха сиригэр хаһыҥ түһэрэ күүтүллэр. Бу туһунан…