Тимир көлөҕө Арассыыйа былаахтаах нүөмэри уларытар наадатын туһунан быһаардылар

Арассыыйа былааҕа тимир көлө нүөмэригэр булгуччулаахтык баар буолуохтааҕын туһунан сокуоҥҥа уларыйыылар күүстэригэр киириэхтэрин иннинэ судаарыстыбаннай регистрационнай бэлиэлэри ылбыт суоппардар уларыталлара ирдэммэт. Бу туһунан ИДьМ пресс-сулууспатыгар иһитиннэрбиттэрин РИА Новости суруйар.

Санаттахха, саҥа ирдэбиллэр бу сыл тохсунньу 1 күнүттэн үлэҕэ киирбиттэрэ. Бу уларыйыыларынан, судаарыстыбаннай регистрационнай бэлиэлэргэ Арассыыйа былааҕын ойуута баар буолара булгуччулаах. Ол эрээри, сокуоҥҥа уларыйыылар күүстэригэр киириэхтэрин иннинэ бэриллибит уонна урут туттулла сылдьыбыт нүөмэрдэри уларытар эбээһинэс көрүллүбэт.

Госавтоинспекция быһаарбытынан, судаарыстыбаннай бэлиэлэри үлэлии турар национальнай стандарт балаһыанньаларынан көрөн бэриллэр.