«Арассыыйа» быыстапка-пуорумҥа — Саха сирин күнэ

Сүрүн былаһааккаҕа  — 75 №-дээх павильоҥҥа  «Якутия – Вселенная Олонхо» экспозияция туруорулунна. Норуот үйэлээх култууратын, духуобунаһын уонна аныгы креативнай индустрия, бырамыысыланнас, тутуу, мэдиссиинэ, тыа хаһаайыстыбатын бырайыактарын билиһиннэрдилэр.  Экспозиция сүрүн сыала — Саха сирин хорсун бырайыактары олоххо киллэрэр, былыргы үгэстэри кытта аныгы технологиялары ситимниир ураты сир курдук көрдөрүү буолар.

Эрэгийиэн күнүн аһыллыытыгар Федерация Сэбиэтин, Судаарыстыбаннай Дуума,  федеральнай уорганнар, ситэриилээх былаас, бөдөҥ хампаанньалар   бэрэстэбиитэллэрэ,  олимпийскай чемпионнар, призердар, диаспоралар, землячестволар кыттыыны ыллылар.

Саха Өрөспүүбүлүкэтин Ил Дархана Айсен Николаев “Арассыыйа” пуорум-быыстапка кэмигэр Эрэгийиэн күнүн арыйыыга тымныытынан уонна алмааһынан аатырар бөдөҥ эрэгийиэн күн-түүн тупсарын уонна Арассыыйа Илин диэки култуураҕа уонна экэниэмикэҕэ туһаайыытын киининэн буоларын туһунан кэпсээтэ.

Дьыалабыай уонна култуурунай-аралдьытар бырагыраама киэҥник ыытылынна. Ыалдьыттар олоҥхо  уонна «Азия оҕолоро» спортивнай оонньуулар   дьоруойдарын кытта билсистилэр. Ирбэт тоҥҥо сэлиэнньэлэри, куораттары  тутуу маастар-былааннарын көрдүдэр. Дьыалабыай бырагыраамаҕа өрөспүүбүлүкэ креативнай уонна инновационнай эйгэлэргэ ситиһиилэрэ көрдөрүлүннэ, Саха сиригэр үлэлиир улахан хампаанньалар үлэ дьаарбаҥкатын ыытылынна. Сиһилии манна ааҕыҥ:  https://mvsdn.sakha.gov.ru/news/front/view/id/3377767