Хаартыскаҕа sakha.gov.ru ылылынна
Саха сирин күннэрин чэрчитинэн “Арассыыйа” быыстапка-пуорумҥа НХСБ “Атом” павильоҥҥа аан дойдуга бастакы дьоҕус кыамталаах атомнай ыстаансыйаны (АСММ) билиһиннэрдилэр.
Быыстапканы бу күн бастакынан Саха сирин уонна Донецкай Норуодунай Өрөспүүбүлүкэ үөрэнээччилэрэ уонна Усуйаанаттан сылдьар устудьуоннар көрдүлэр.
Бу бырайыак Усуйаанаҕа олоххо киирэр. Бырамыысыланнас тэрилтэлэрин уонна өрөспүүбүлүкэ чугастааҕы нэһилиэктэрин уотунан бигэтик хааччыйыаҕа. Ону тэҥэ Хотугу муора суолун сайдыытыгар эмиэ көмөлөһүөҕэ.
Атомнай энергетика эспиэрдэрэ оҕолорго Арассыыйа саҥа айан таһаарыытын техническэй характеристикатын, экологияҕа куттала суоҕун, Аартыка олоҕо-дьаһаҕа сайдыытыгар энергетика бу эбийиэгин туһатын туһунан кэпсээтилэр.
“Оҕолор олус кэрэхсээтилэр. Саха сирин хоту дойду улуустарыттан оҕолор бастыҥ технологиялары харахтарынан көрөллөрө ордук”, — диэн “Русатом Оверсиз” коммуникацияларга дириэктэрэ Олег Бочкин бэлиэтээтэ.
“Экскурсияны астынным. Биһиэхэ атомнай ыстаансыйаны туталларын истэн, кэлин онно үлэлиир баҕалаахпын. Билигин физиканы үөрэтэбин, салгыы үөрэниэм дии саныыбын”, — диэтэ Усуйаана Депутатскай бөһүөлэгиттэн Артем Милюкин.
“Атомнай энергетиканы физика уонна химия уруоктарыгар үөрэтэбит. Режиссер, баҕар программист буолуом. Ол эрээри Норуот хаһаайыстыбатын ситиһиилэрин быыстапкатыгар экспозицияны көрбүтүм туһалаах”, — диир ДНӨ Кировскай куоратын 2 №-дээх оскуолатын үөрэнээччитэ Ростислав Голинка.
“Кэлэр сылга бу атомнай ыстаансыйа докумуонун оҥоруу түмүктэниэ уонна тутуута саҕаланыаҕа диэн күүтэбит. Ыстаансыйа үлэҕэ киирдэҕинэ полярнай эргимтэҕэ социальнай уонна бырамыысыланнас эбийиэктэрин уотунан бигэтик хааччыйыаҕа”, — диэтэ Саха сирин дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Кэлиҥҥи кэмҥэ агро-оскуолалар эбии үөрэхтээһин хайысхатын таба туһанан, бэйэ бородууксуйатын оҥорон таһаарыыга, оҕону урбаан салаатыгар…
Икки сыл анараа өттүгэр, 2024 сыл олунньу 15 күнүгэр, Арассыыйа Федерациятын Бэрэсидьиэнин Ыйааҕынан байыаннай иэһин…
Олунньу 15 күнэ Арассыыйаҕа – ураты күн, бу күҥҥэ дойду үрдүнэн Аҕа дойду тас өттүгэр…
Дьокуускайга ыытылла турар Уһук Илин эргэгийиэннэр сүүмэрдэммит хамаандаларын художественнай гимнастикаҕа биирдиилээн бастыыр иһин күрэхтэһиилэрэ Саха…
Өрөспүүбүлүкэтээҕи 2 №-дээх балыыһаҕа-Мэдиссиинэ Суһал көмөтүн киинигэр Саха сирин улуустарын Киин балыыһалара, поликлиникалар, атын балыыһалар…
Эспиэрдэр бэлиэтииллэринэн, дойду тэбэр сүрэҕэр Москваҕа ааттаах-суоллаах улахан эрэстэрээннэр сабыллыыларын улахан долгуна бэлиэтэннэ. Бу маннык…