Хаартыска СӨ Баһылыгын пресс-сулууспатыттан
Тохсунньу 24 күнүгэр ВДНХ Киинэ мусуойугар икки сахалыы киинэни – «Тойон кыыл» уонна «Ильмень үрдүнэн туруйалар» көрдөрдүлэр диэн СӨ Баһылыгын уонна Бырабыыталыстыбатын пресс-сулууспата иһитиннрэр.
Бу киинэлэри көрдөрүү «Арассыыйа» быыстапка-пуорумҥа Уһук Илин уонна Арктика күннэрин бырагырааматыгар киирбиттэрэ. Бу күн биһиги дойдубут стратегическай суолталаах ситиһиилэригэр уонна сайдар кэскилигэр аналлаах элбэх дьыалабыай уонна култуурунай-сырдатар тэрээһиннэр ыытылыннылар.
«Сахафильм» киинэ хампаанньата устубут бу икки хартыыната Саха сирин уонна Арассыыйа көрөөччүтүгэр үчүгэйдик биллэллэр. «Ильмень үрдүнэн туруйалар» байыаннай дырааманы Никита Аржаков 2005 с. устубута. Бу ньиэмэс-фашист талабырдьыттарыттын Старай Руссаны босхолуу аттаммыт 19-с туспа хайыһар биригээдэтин устуоруйата буолар.
Биригээдэ састаабыгар 700-чэкэ Саха сириттэн сылдьар красноармеец баара. Старай Русса аннынан хаан тохтуулаах кыргыһыы кэмигэр хайыһар биригээдэтэ улахан сүтүктэммитэ, ол иһин Саха сиригэр биир күн өлбүттэрин биллэрэр саамай элбэх иһитиннэрии кэлбит. Буойуттар тустарынан дыраама өрөспүүбүлүкэҕэ эрэ буолбакка, Москваҕа, Санкт-Петербурга, Новгородскай уобаласка ситиһиини ылбыта.
Режиссер Эдуард Новиков Уһук Илин уонна Арктика күнүн чэрчитинэн көрдөрбүт иккис хартыыната – «Тойон кыыл» эмиэ киэҥник биллэр. 2018 с. уһуллубут киинэ 40-с Москва аан дойдутааҕы киинэ бэстибээлин кыайыылааҕа буолбута, ол кэнниттэн атын киинэ күрэхтэригэр элбэхтик бириистээх миэстэлэргэ тиксибитэ, олор ортолоругар Монреаллааҕы МКФ, АХШ төрүт олохтоох норуоттарын аан дойдутааҕы бэстибээллэригэр Канадаҕа, Индияҕа, Казахстаҥҥа, Австрияҕа биллибитэ.
Ону таһынан дойду Бэрэсидьиэнэ Владимир Путин ааспыт сылга РФ Бырабыыталыстыбатыгар Дьокуускай куоракка Уһук Илин аан бастакы толору цикллаах киинэ павильонун тутуунан хааччыйарга диэн соруйбута.
Бэрэсидьиэн өссө биир сорудаҕынан Саха сиригэр оҥоһуллубут «Экстра Синема» киинэни көрдөрүү технологиятын дойдуга киэҥник туһаныы буолар.
Таатта улууһун киинигэр Ытык Күөлгэ күрэс төрүт көрүҥнэригэр XXII "Манчаары оонньууларын" түмүктүүр тэрээһин "Дьулуруйар Ньургун…
Сыл түмүгүнэн үтүө үгэһинэн, сылын ахсын Оһуокай ыһыаҕа ыытыллар. Быйылгы Оһуокай ыһыаҕа от ыйын 12…
Дьокуускайга Аҕа дойду Улуу сэриитин бэтэрээнэ Петр Константинович Яковлев 100 сааһын туолуутун үөрүүлээх быһыыга-майгыга чиэстээтилэр.…
Хаһаайыстыбаннай мыыла туһата элбэх эбит. Аҥардас таҥас сууйарга эрэ буолбакка, хаһаайыстыбаҕа барытыгар туһаныахха сөп эбит.…
Арассыыйа Бэрэсидьиэнэ Владимир Путин байыаннай таҥас кэтиитигэр уларыйыы киллэрэр туһунан Ыйаахха илии баттаата. Докумуон быраап…
Таатта улууһугар Ытык Күөлгэ ыытыллыбыт күрэс төрүт көрүҥнэригэр XXII “Манчаары оонньууларын” уопсай хамаанданан түмүктэрэ билиннэ. …