«Арассыыйа» быыстапкаҕа 10 мөлүйүөн киһи сырытта

«Арассыыйа» быыстапкаҕа 10 мөлүйүөн киһи сырытта

Ааптар:
07.04.2024, 18:00
Хаартыскаҕа Сергей Баранов түһэриитэ
Бөлөххө киир:

«Арассыыйа» норуоттар икки ардыларынааҕы быыстапка-пуоруму сэҥээрээччи элбэх.

Муус устар 6 күнүгэр, лоп курдук уон мөлүйүөн ахсааны толорбут ыалдьыт сылдьыбыта бэлиэтэнэр. Ол курдук, бу Ярославльтан сылдьар Константин Панфилов буолар. Кини кэргэнин Екатеринаны кытта быыстапканы анаан-минээн көрө кэлбит.

«Бу биһиэхэ соһуччу буолла. Быыстапкаҕа аан бастаан кэллибит. Хата, наһаа үөрдүм», — диир Константин Панфилов. «Анаабыт курдук бу бириэмэҕэ кэлбиппит үчүгэйиэн», — диэн кэргэнэ Екатерина үөрүүтүн үллэстэр.

Константин кэргэнин кытта «Арассыыйа» Ситиһии Быыстапкатын Дириэксийэтэ» АНО уонна «Росатом» Госкорпорацияттан Мурманскайга Ленин» атомнай ледоколга уонна «Атомфлот» ФГУП атомнай ледоколугар сылдьан көрөргө сэртипикээти туттулар. Кинилэр маны таһынан, Кольскайдааҕы атомнай электрическэй ыстаансыйаны көрүөхтэрэ.

«Бу нэдиэлэ ураты. Ол курдук, муус устар 4 күнүгэр үлэбит саҕаламмыта биэс ыйын туолбутун бэлиэтээбиппит. Муус устар 6 күнүгэр, уон мөлүйүөнүс ыалдьыт биһиэхэ сырытта. Быыстапка кистэлэҥэ, Арассыыйа бүттүүнэ түмсэн тэрийэригэр сытар. Биһиги бары саамай киэн туттарбытын билиһиннэрэбит, көрдөрөбүт. Манна муҥура суох таптал уонна киэн туттуу салгына дьону түмэр, болҕомтону тардар. Быыстапкаҕа бу күннэргэ эмиэ биир ураты чаҕылхай, киэҥ далааһыннаах сааскы-сайыҥҥы бырагыраама биһирэмэ буолаары турар. Биһиэхэ барыта куруук саҥа саҕаланар!» — диэн «Арассыыйа» Ситиһии Быыстапкатын Дириэксийэтэ» АНО генеральнай дириэктэрэ Наталья Виртуозова бэлиэтээн эттэ.

Быыстапкаҕа бу уон мөлүйүөнүһүнэн сылдьыбыт ыалдьыкка Мурманскайы көрдөрүөхтэрэ уонна Териберка сэлиэнньэҕэ күүлэйдэтиэхтэрэ. Тэрийээччилэр бочуоттаах ыалдьыкка уонна кэргэнигэр олорор сирдэрин тэрийэллэр уонна Ярославльтан айаннарын төлүүллэр.

«Интэриэһинэй айан буолуоҕа. Быйыл ахсынньы 3  күнүгэр «Ленин» атомнай ледоколга судаарыстыбаннай былааҕы өрө көтөҕүү 65 сылын туолар. Бу атомнай ледокол флотун төрөөбүт күнүнэн ааҕыллар. Эһиги бу устуоруйаҕа киирбит уонна билигин үлэлиир суудунаҕа сылдьыаххыт. Манна флоту хайдах салайалларын көрүөххүт. Бу чахчы чаҕылхай өйдөбүлү иҥэриэ диэн эрэнэбин», — диир «ГлавСевморпуть» ФГБУ генеральнай дириэктэрэ Сергей Зыбко.

Хас биирдии мөлүйүөн ахсааны толорбут ыалдьыттарга бэлэхтэр уонна сэртипикээттэр туттарыллаллар. Сорохторо номнуо туристическай айаннарыгар сылдьыбыттар.

Саха Өрөспүүбүлүкэтин экспозицията «Арассыыйа» быыстапка-пуорум 75 №-дээх павильонугар баар. Манна «Саха сирэ — Олоҥхо дойдута» экспозиция сүрүн сыалынан Саха сирин саамай ураты, дьикти, кэрэ уонна хорсун санаалара, толкуйдара олоххо киириилэрэ көрдөрүллэллэр. Ол уратытынан остуоруйа дойдутунан айан буолар. Манна норуоттар үгэстэрэ уонна култууралара аныгы технологиялары, креативнай идиэйэлэри кытары алтыһаллара ураты кэрэ, дьикти.

«Арассыыйа» норуоттар икки ардыларынааҕы быыстапка-пуорум — дойду улахан ситиһиилэрэ түмүллүбүт былаһааккаларынан буолар. Бу РФ Бэрэсидьиэнэ Владимир Путин сорудаҕынан дойду экэниэмикэтин араас салааларыгар улахан ситиһиилэри көрдөрөр, билиһиннэрэр соруктаах ыытыллар. Быыстапка ыытылларын устатыгар култуурунай-сырдатар, аралдьытар тэрээһиннэр, дьыалабыай уонна үөрэххэ сыһыаннаах бырагыраамалар ыалдьыттары күүтэллэр. Манна Арассыыйа 89 эрэгийиэниттэн экспозицияларын билиһиннэрэллэр. Быыстапка ВДНХ сиригэр-уотугар сэтинньи 4 күнүттэн от ыйын 8 күнүгэр диэри ыытыллар.

Сиһилии https://www.sakha.gov.ru/news/front/view/id/3394321  көрүөххүтүн сөп.

Хаартыскаҕа Сергей Баранов түһэриитэ.

+1
0
+1
0
+1
1
+1
0
+1
0
+1
0
+1
0
Бары сонуннар
Салгыы
24 мая
  • 10°C
  • Ощущается: 10°Влажность: 46% Скорость ветра: 1 м/с

Сообщить об опечатке

Текст, который будет отправлен нашим редакторам: