«Арассыыйа» быыстапкаҕа Саха сирэ бастыҥ экспозицияҕа куоластааһыҥҥа кыттар

«Арассыыйа» норуоттар икки ардыларынааҕы быыстапка-пуорум иитинэн бастыҥ экспозицияны быһаарарга куоластааһын ыытыллар. Бастыҥы талалларын таһынан тэрийээччилэр өссө хас даҕаны номинацияны аныахтара. 

Russia.ru официальнай саайтка үс категориянан куоластыахха сөп: «Регионы», «Корпорации» и «Органы власти».

Саха сиригэр куоластыыр туһуттан сүрүн сирэйгэ баар «Голосование» диэн разделга киирэн, каартаҕа өрөспүүбүлүкэбитин талан, номинацияларынан галочкалары туруоран баран, «Проголосовать» диэн кунуопканы баттыыгыт. Куоластааһын бу сыылканан буола турар: https://russia.ru/voting/region.

Бу туһунан СӨ Ил Дарханын уонна бырабыыталыстыбатын пресс-сулууспата иһитиннэрэр.