Андрей Сорокин хаартыскаҕа түһэриитэ, СИА.
Бэс ыйын 19-25 күннэригэр Каспийскайга ыытыллар көҥүл тустууга Арассыыйа чөмпүйэнээтигэр Саха сириттэн 23 тустуук кыттыаҕа.
57 киилэҕэ: Алексей, Петр Копыловтар, Любомир Ашеин, Харысхал Григорьев, Дьулус Федотов, Федор Постников;
61 киилэҕэ: Петр Константинов, Ньургун Терентьев, Уйгулаан Иванов, Яков Павлов, Александр Авелов;
65 киилэҕэ: Дьулустан Тотонов, Александр Иванов;
70 киилэҕэ: Олег Фомин, Константин Капрынов;
74 киилэҕэ: Станислав Свинобоев, Албан Аввакумов, Николай Сивцев;
79 киилэҕэ: Василий Кириллин;
92 киилэҕэ: Ньургун Сергин, Никита Софронов;
97 киилэҕэ: Максим Толмачёв;
125 киилэҕэ: Никита Хабаров.
Буолаары турар тыҥааһыннаах күрэхтэһии туһунан уопсастыбаннай кэрэспэдьиэммит, тустуу сүгүрүйээччитэ Валерий Михайлов санаатын үллэһиннэ:
— Тустуу — күүстээхтэр, сымсалар күрэстэрэ. Быйылгы Арассыыйа күрэҕин түһүлгэтэ кэлэр нэдиэлэҕэ ыраах Каспийскайга тэлгэнээри турар. Эһиил Олимпиада буоларынан, бу түһүлгэ уораана улахана күүтүллэр. Саха уолаттара норуоттарын аатын-суолун дорҕоонноохтук ааттаппыттара бэрт өр буолла. Биһиги, тустуу ыалдьааччылара үөрүүбүтүгэр, саха эдэр тустууктара улахан түһүлгэлэргэ бэрт ситиһиилээхтик кыттар буоллулар. Онон, санаабыт хаһааҥҥытааҕар да бөҕөх. Каспийскайга буолар күрэххэ саха тустууктара, сүр көтөҕүллэн тустан, үөрдүөхтэрэ диэн эрэнэбин. Билиҥҥи тустуу күрсэн-харсан тустуу буолла. Олимпийскай чөмпүйүөннэрбит Байбал Пинигин хахайдыы хапсыһар, Арамаан Дмитриев имиллэн-хомуллан, Өлөксөөндүр Иванов сахалыы халбарыйан тустууларын хатылыахтарын баҕарабын. Каспийскай көбүөрүттэн хатат уотут саҕан, соруккутун ситэн, соргугут соноон, хабыр дьолуону билэн кыайыы көтөллөнөн кэлээриҥ.
Бүгүн, ахсынньы 12 күнүгэр, 202-с түөлбэҕэ саҥа элбэх функциялаах ыччат "Патриот" киинигэр өрөспүүбүлүкэ ыччатын түмүктүүр…
Саха сирин үөрэҕин систиэмэтигэр суолталаах тэрээһинэн буолбут “Сыл учуутала” өрөспүүбүлүкэтээҕи 34-с төгүлүн ыытыллар күөн күрэс…
1941-45 сыллардааҕы Аҕа дойду сэриитигэр Сэбиэскэй норуот кыайыытынан түмүктэммитэ 80 сылынан, Арассыыйаҕа Аҕа дойдуну көмүскээччитин,…
Өрөспүүбүлүкэтээҕи медиа-кииҥҥэ ГТРК «Саха» 20 сыллаах үбүлүөйүгэр анаммыт үөрүүлээх киэһэ буолан ааста. Бу туһунан ЯСИА…
И.Н. Егоров – Горнай аатынан хараҕынан мөлтөхтүк көрөр уонна көрбөттөргө аналлaах өрөспүүбүлүкэтээҕи анал бибилэтиэкэ «Брайль…
Дьокуускайга “Малая родина – Сила России” Бүтүн Арассыыйатааҕы III муниципальнай пуорум сиэссийэтэ түмүктэннэ. Тэрээһин түмүгүнэн…