Арассыыйа Дьоруойа  Алексей Неустроев Малахов биэриитигэр кыттыаҕа

Олунньу 23 күнүгэр «Россия» ханаалга Андрей Малахов биэриитигэр Аҕа дойдуну көмүскээччи күнүгэр аналлаах таһаарыы тахсыаҕа.

Биэриигэ биир дойдулаахпыт, Арассыыйа Дьоруойа  Алексей Неустроев кыттыыны ылыаҕа. Бу туһунан СИА-ҕа Уус Алдан улууһун  Байаҕантай нэһилиэгин баһылыга  Савва Егоров кэпсээтэ.

Биэриигэ Дьоруойу сэргэ «Русский характер» бөлөх ырыаһыта, бойобуой дьайыы бэтэрээнэ, Приднестровье норуодунай артыыһа  Юрий Кононов кыттан,   «Алёша» тааҥка туһунан ырыаны ыллыаҕа.

Санатан эттэххэ, «Алеша» тааҥка экипааһа— старшай лейтенант Расим Баксиков, лейтенант Александр Леваков, ефрейтор Филипп Евсеев, ефрейтор Алексей Неустроев Арассыыйа Дьоруойа буолбуттара, ефрейтор Илья Гаврилов «Хорсунун иһин» мэтээлинэн наҕараадаламмыта.