Арассыыйа Дьоруойа Алексей Петров Мэҥэ Хаҥаласка байыастар дьиэ кэргэттэригэр сырытта

Арассыыйа Дьоруойа, «Медведь» позывнойдаах Алексей Петров Мэҥэ Хаҥаласка сырытта.

Кини бииргэ сулууспалаабыт дьонун көрүстэ, байыаннай дьайыыга сылдьан олохторун толук уурбут Валерий Васильевич Аринкин уонна Василий Павлович Жирков – Антонов дьиэ кэргэттэригэр сырытта.

Алексей Петров «Махтал» диэн позывнойдаах уоппускаҕа сылдьар байыаһы кытта кэлбитэ. Кинилэр бойобуой табаарыстарын, кинилэр төрөппүттэрин кытта кэпсэттилэр, ахтан-санаан аастылар. Көрсүһүүгэ Мэҥэ Хаҥалас улууһуттан байыастарга гуманитарнай көмөнү тиэрдиигэ бөлөҕү тохсус төгүлүн салайбыт Афанасий Максимов кыттыыны ылла.

—Биһиги бойобуой доҕотторбут сүрэхпитигэр өрүү бааллар, кинилэри куруук саныыбыт. Кинилэр дьоннорун кытта көрүстүбүт. Онуоха санаабытыгар кинилэр аттыбытыгар баар курдуктар. Уустук кэмҥэ бары сибээөһи тутарбытыттан үөрэбин. Биһиги байыастарбыт сырдык ааттарын үйэтитиигэ үлэлэһиэхпит, — диэн этэр Алексей Петров.

Сиһилии: https://www.sakha.gov.ru/news/18343

Хаартыска «Эркээйи» хаһыаттан, Мэҥэ Хаҥалас улууһа

СӨ Ил Дарханын уонна Бырабыыталыстыбатын пресс-сулууспата