Хаартыска: Саргын Скрябин, СИА
СӨ Сокровищницатыгар Андрей Григорьевка 25 карат ыйааһыннаах алмаас куоппуйатын туттарыы үөрүүлээх сиэрэ- туома буолла. Ыам ыйын 12 күнүгэр «Тута» — Арассыыйа Дьоруойа төрөөбүт күнүн бэлиэтээтэ.
Тэрээһиҥҥэ СӨ Ил Дарханын уонна Бырабыыталыстыбатын дьаһалтатын салайааччыта Георгий Михайлов, үп миниистирин эбээһинэһин толорооччу Иван Алексеев, итиэннэ биир дойдулаахтара кытыннылар.
«Аҕа дойду Улуу сэриитин сылларыгар курдук билигин саха саллааттара сэрии толоонугар туруулаһан, хорсун быһыыларын,ыарахан тургутууларыгар эппиэтинэһи сүгэргэ бэлэмнээхтэрин көрдөрөллөр», — диэтэ Георгий Михайлов.
Санаттахха, күндү таастар Арассыыйа Дьоруойдарын ааттарын сүкпүттэрэ: Николай Евдокимов, Филипп Евсеев, Дмитрий Егоров, Андрей Григорьев, Петр Киприянов, Александр Колесов, Дмитрий Куценко, Родимир Максимов, Алексей Неустроев, Николай Соболев уонна Игорь Юргин.
«Биллэн турар, маннык күндү таастарга улуу дьон ааттарын биэрэллэрин истибитим эрээри, бэйэбин кытта маннык түгэн буолуо диэн күүппэтэҕим даҕаны. Ол миэхэ соһуччу уонна улахан үөрүү буолла. Дьиэ кэргэним, аймахтарым бары олус үөрдүлэр. Биир өттүнэн бу чахчы үйэлэр тухары өйдөбүнньүк буолан хаалыаҕа. Биһиги оҕолорбут, сиэннэрбит, хос сиэннэрбит — бары маннык дьон баалларын билиэхтэрэ-көрүөхтэрэ. Бу олус суолталаах ытыктабыл бэлиэтэ», — диэн Андрей Григорьев санаатын үллэһиннэ.
Алмаастар СӨ күндү металларыттан уонна таастарыттан талыллан, официальнай пааспардаахтар. Хас биирдии кристалл билигин Саха сирин уонна Арассыыйа историятыгар үйэтитиллибит Арассыыйа Дьоруойуон аатын сүгэр.
«Ити ааттаммыт алмаастар судаарыстыбаннай пуондаҕа хараллыахтара. Биһиги республикабыт алмаастарынан куруук аатырар-айылҕа, билигин духуобунас. Алмаас — сир үрдүгэр саамай кытаанах минерал», — диэн Иван Алексеев бэлиэтээтэ.
Дьокуускай куорат суутунан успуорт оскуолатын дириэктэригэр РФ Административнай быраабы кэһии туһунан кодексатын (АПК) 9.1 ыстатыйатын…
«Аҕа дойдуну көмүскээччилэр» судаарыстыбаннай пуонда Саха сиринээҕи филиала Хорсунун иһин уордьан уонна Суворов мэтээлин кавалерын…
Волонтердар кылааттара сыл аайы #МЫВМЕСТЕ норуоттар икки ардыларынааҕы гражданскай пуорумҥа бэлиэтэннэ. Быйыл пуорум ахсынньы 2-5…
Дьиэ подъеһын Саҥа дьылга киэргэтиини кыбартыыра хаһаайыннарын уонна салайар хампаанньа сөбүлэҥэ суох оҥордоххо 15 тыһыынча…
Өрөспүүбүлүкэҕэ байыаннай дьайыы кыттыылаахтарын 225 ыалыгар олорор дьиэни гаастыырга материальнай көмө оҥоһулунна. Бу туһунан СӨ…
«Национальные приоритеты» АНО Арассыыйа Доруобуйа харыстабылын министиэристибэтин кытта «Арыгыта суох олох» диэн арыгыга ылларыыны утары…