Арассыыйа Дьоруойа Андрей Григорьев – “Тута” биир бастакынан үөрэххэ туттарыста

Бүгүҥҥүттэн Арктикатааҕы судаарыстыбаннай агротехнологическай университекка үөрэххэ ылыы хампаанньата саҕаланна. Биһиги кыһабытыгар үөрэххэ туттарсаачылартан биир бастакынан Андрей Николаевич Григорьев, “Тута” диэн аатынан биллэр РФ Дьоруойа буолла.

Андрей Григорьев В.П.Ларионов аатынан инженернэй бакылтыаты талан, “АПК тиэхиньиичэскэй сервиһэ” профиллаах “Агроинженерия” үөрэҕэр сайабылыанньатын биэрдэ.

АГАТУ үөрэххэ туттарсааччыларга киэн тутта аанын арыйар! Билии, сайдыы, айан оҥоруу суолун талыҥ! Төрөөбүт Сахаҕыт сирин дьиҥнээх хаһаайыннарынан буолуҥ!

Бу туһунан Арктикатааҕы судаарыстыбаннай агротехнологическай университет Телеграм-ханаалыгар суруйаллар.